جروب 3 ثانوى ( علمى علوم )

[To Be Is To Do]

المشاركة الأصلية كتبت بواسطة lally adel

و الله بجد يا بشمهندسين انا عايزة احييكوا تحية كبيييييرة جدا على انكوا لسه فاكرين منهج العربى باسئلته برخامته لحد دلوقتى حتى بعد ما دخلتتوا الكليه .. شاااابوه بجد ليكو .. ما شاء الله الله اكبر

انا عن نفسى فى تالتة ثانوى حاليا بس ذاكرتى فى الارض و فى العربى بالذات مذاكرته من ارخم ما يكون دة من ناحية .. ومن ناحية تانية هو المادة الادبية الوحييدة اللى عايزة حفظ السنة دى ف متهمشة بالنسبة لى لاقصى درجة ..

يعنى لا المادة انا بحبها فهذاكرها ولا هى مادة مذاكرتها بالساهل فهتتحط فى اى وقت عشان تتذاكر .. الفيزياء والاحياء بالنسبة لى حيتاااان وقت .. بياكلوا اليوم والوقت من غير ما تحس .. و لما تحب تفصل يبقى انجلش .. لكن عربى له الله بجد من اللى بنعله فيه

تقبلوا مرورى

بس العربى مش وحش أوى كده
والله إنتى لو تحبيه حتلاقى القراءه سهله جدا والنصوص لذيذه وأحلى من بتاعه 2
والنجو حاجه كده مسليه ترفيه يعنى كله حاجات حلوه والله
هى القصه اللى نفيخه شويه بس الجزء الاول اسهل واحد وعلطول بييجى منه الا اذا حصلت طفره
والادب ده المشكله بقى بس فيه مدارس حلوه والله وسهله زى الاحياء والبعث والكلاسيكيه ومطران والمقال والقصه القصيره وابوللو كل ده سهل والله

الصراحه يعنى أنا كنت بموت فى حاجه اسمها عربى كنت بذاكره أكتر من الفيزيا والرياضه
لانى كنت بحبه جدا

ممكن تقوليلى إيه اللى مضايقك من العربى وانا ممكن اساعد ان شاء الله

ربنا معاكوا ان شاء الله ... هونوها بس عليكم ... اهتموا بكل المواد
لان لو ماده وقعت المجموع كله بيقع ( لا قدر الله )

ربنا يعينكم