سيدى الرئيس.... انا تعبت !!!!

[Monier]

الدرس انتهى لموا الكراريـس :'(
سيدى الرئيس ... انا تعبت
ومن حكمك اتخنقت
ذنب الطفل دا ايه
ممكن تقولى مات ليه
عامل مزلقان تعبان
يعمل ايه اصله انسان
طول اليوم فى الشمس واقف
لكل قطر معدى شايف
قال يريح حبتين
ومش هتيجى ع الدقيقتين
60 طفل استشهدوا
مش فى غارة ولا حرب
ولا مات من الضرب
لا دا كان رايح مدرسته
كل ذنبه ان عاوز يتعلم
راح ومرجعش
دمه منشفش
مات زى غيره
عادى مه شعبنا كتير
فيها ايه لو مات شهيد
احنا السبب
علشان بقينا عبيد
عبيد للسلطة والجاه
عبيد لتجار الدين
روح لاهلك ولناسك
روح مش عاوزين احساسك
وامه ايه ذنبها
مين اللى هيقف جنبها
ولا هتدوها كام الف
علشان جرح الوطن ينزف
من كتر الكدب والنفاق
واوعى تعلن الحداد
الحداد فى بلدنا مات
ووقت الحزن فات
عادى لما اطفال تموت
مه اللى ماتوا قبليه شهود
ع الحدود رجال شهداء
وفى الاستاد شهداء ابطال
وفى المستشفى بالالوفات
ولا فى الاقسام حالات
ولا طلبة الجامعات
عادى مه اللى مات مات
هو دا الشرع والدين
اللى جايين ليه داعيين
عاوزين تطبقوا الشريعة
حق اللى مات مش خديعة
علشان نعيش لازم القصاص
غير كدا ينعدم الاحساس
انا اسف ياريس لكلامى
مصر عمرى وكيانى
دمار وتعب وحرقة دم
اسكت لو قولت على مين الذنب؟؟؟
قوليلى يابلدى اشتريكى باية وارخص مافيكى دمى