خايف من الغليان 00 خايف من الطوفان

[كركركوكو]

الساعة كام 00 ايه النظام 00 مش عارف أنام 00 أم العيال بصت وقالت مالك كدة قلقان 00 نام لك شوية ده انت راجل شقيان 00 هوه انت مش تعبان 00 قلت لها مش عارف أنام 00 أنا شوفت فيلم من الأفلام 00 الصين ضربها اعصار مدمر من أيام 00 بلاد كتيرة اختفت بعد الطوفان 00 مش عارف أنام 00 خايف علينا من الطوفان 00 طوفان دة ايه – دى وسوسة شيطان 00 مصر فى أمان 00 ربك ذكرها فى القرآن 00 سلام و أمان 00 و تقوللى خايف - استعذ بالله ربك و ادعى للرحمن 00 يحفظ بلادنا من كل شر كان 00 قولت لها خايف من الغيلان 00 الشعب كلة اتخنق خايف من الغليان 00 شعور فظيع مدمر أكثر من الطوفان 00 فينكو يا حكام البلد نفسى أعيش فى أمان 00 عاوزينى أنام من غير عشا 00 وأعيش ذليل و جبان 00 ارحمو الغلبان 00 وجهت وجهى لربنا يرحم بنى الانسان 00 و يحاسب اللى ظلم و يخسف الطغيان 0 0 و ترجع ليالى زمان 00 الصحبة و الخلان 00 و تعيش مصرنا فى أمان 0