اشهد يا محمد محمود!!!!!

[Monier]

تعرف محمد محمود ؟؟؟؟
مين دا .... لا معرفهوش
اكابتن .. تعرف محمد محمود
تقصد وزارة الداخلية... اه عارفها
روحت هناك قبل كدا
لا....
لا...
لا..
لا.
.
دا كان حالنا اللى كنا فرحانيين بيه
شعب عايش وراضى بالظلم اللى كان فيه
بس فى الاخر صرخ باللى كان جواه
وكتب بايده التاريخ والدم خلدناه
بس العسكر اصر انه يكتب سطور
لازم يوضح موقفه من هدمه للقبور
كتب بدمائنا ان الثورة محمية
وكتب وابدع وهما فى الاصل حرمية
فى محمد محمود يبعتولنا كلاب الدخلية
وفى الاخر طلعونا اننا بلطجية
لا اصحى وركز احنا شباب الحرية
محمد محمود مش مجرد شارع غريب
دا عالم ليه كيان وسجل تاريخ كبير
مات فيه شباب واكثر جيل عظيم
ضحى بحياته من اجل الحرية
صرخ وهتف عاوزينها مدنية
يلا ياعسكر سيبهولنا شوية
وشباب الاخوان برضو كانوا معانا
امر من المرشد او كانوا رجالة
المهم دماهم سالت زى دمانا
كلمة حق اقولها بكل امانة
اكتب يا تاريخ وسطر السطور
ازاى حبرك خلص ودمانا بحور
سجل بدمانا ودماء الابطال
سجل اسامى اشجع الرجال
مستعدين دائما ضد كل الطغاه
قاموا بثورة حرية وكرامه
والعسكر رد بنار واهانه
اركعوا لينا زى العادة
اسف وطظ فى البيادة
العسكر فاكر انه ليه السيادة
ابعت كلابك تحرسهم الديابه
واحنا حقوقنا قصاد البيادة
اركعوا لينا احنا حميناكوا
لا سيبونا احنا كرهناكوا
كسرتونا وضربتونا
وفى التاريخ عرتونا
وفى الشوارع سحلتونا

بس برضو مستمريين
وعن حقوقنا مش ناسيين
ولمحاكمتكم ساعيين
وبدمانا مضحيين
علشان مصر فى يوم تعيش

فى محمد محمود اموات
نحتسبهم عند الله شهداء

اشهد يا محمد محمود..... كانوا كلاب وكنا اسود