عندي مشكلة ومحتاج مساعدة أهل الخبرة

[ahmed hawass]

السلام عليكم ورحمة الله وبركاته
أنا ياجماعة اني تعاقدت سنة 2009 واشتغلت لمدة سنة بالعقد المؤقت ( مكافأة شاملة ) وبعد سنة أنا سافرت وبعدين كان صدر قرار محافظ الغربية بعودة المنقطعين وتقريبا فتحوا باب العودة لمدة 15 يوم طبعا انا عرفت الكلام ده متأخر جداً ومعرفتش أنزل المهم انه اسمي نزل في كشفوف المتعاقدين بالعقود المميزة .
المهم أنا حالياً بأحاول أرجع للعمل ومش عارف وبيقولولي انك انفصلت وعمال اشتكي بس دخلوني دايرة كده لما زهقت .
يعني انا اشتكيت في المحافظة حولوا ورقي على مديرية التربية والتعليم وبعدين على ادارة زفتى وكانت تأشيرة وكيل الوزارة انه الورق يتحول على القاهرة ولا نفذوا أي حاجة من الكلام ده
نفس الكلام حصل لما اشتكيت في النيابة الإدارية حولوا الورق بنفس الطريقة مع العلم اني كنت باشتكي الإدارة لأنهم مش بينفذوا التأشيرات مش عارف ازاي شاكي الإدارة ويحولوا عليهم الورق تاني علشان هما اللي يحكموا فيه .

معلش طولت عليكم انا عاوز يا جماعة اعرف انا دلوقتي وضعي ايه واتصرف ازاي مع العلم ان الكوسة لسه شغالة وبيتم اصدار عقود لناس ما اشتغلتش لدرجة انه الراجل في الادارة بتاع التعيينات كان هيتجنن وهو اللي كتبلي الشكوى بايده وكلهم بيقولولي ليك حق العودة للعمل وفي نفس الوقت انت مفصول .
برجاء مساعدتي اتصرف ازاي في الموضوع ده واشتكي فين وهلي لي حق العودة ولا ايه