يــــــــــلا جـــــــــــامعـــــــــــه :)

[إليزابيث]

المشاركة الأصلية كتبت بواسطة eng kh zakareya

انهارده كان عندى سيكشن رسم هندسى
والمفروض انى اعمل واجب رسمتين واتدرب على رسم رسمتين كمان حرسمهم فى السيكشن قدام المعيد
المهم الساعه امبارح 10 بليل وانا بقى قلت حطبق للصبح ارسم الواجب واتدرب على الرسمتين التانيين
المهم ساعه 2 3 4 ولسه ف اول رسمه
احيييييييييييييه يا ابو سوسو احييييييييييييييييه
المهم شديت حيلى وعملت واحد نسكافيه جامد وعلى الساعه 4:30 فجرا كنت مخلص الواجب
المهم ناقص رسمتين قلت اقعد اخلصهم برده بدور على ورق الشيت
يا خراشى يا لهوى يا خرابى
مش لاقيه
طب والعمل !! ادور هنا زحمه طب اروح هنا زحمه هنا او هنا زحمه
فشلت بقى انى الاقيها وهب هب هب الساعه 7 وحجهز عشان اروح الكليه
واحسرتااااااااااااااه يا عبد العال !
المهم خدت رلتى وشنطتى ومسطرتى التى ونزلت وركبت المشروع من ع البحر وانا بطلع المشروع روحت مدى الست بالرول فى دماغها وتذكرت ساعتها
توبيك مارك بتاع الست التخينه اللى فى الميكروباص
واذا بحنك منتن فتح عليا وشتايم بقى من نوعيه انت يا اعمى يا متخلف اتشكيت فى نواظرك !؟
وانا عامل عبيط انا اسسا نازل على اخرى
المهم روحت الكليه خدت الشيت من صاحبى بصيت فيه فهمت ع قد ما اقدر
دخلت السيكشن بدأت أرسم نادوا على اسمى عشان اسلم اللوحه الواجب طالع فخور بنفسى يا ارض اتهدى ما عليكى قدى
بديها اللوحه وانا رافع راسى فوق انا واحد راسم بقى وقاعد للصبح ع اللوحه
راحت قايلالى
ايه ده يبنى كل اللى انت عامله غلط فى غلط
صدمت من الكلام وتذكرت
لفى بينا يا دونيا دوخينا يا دونيا هاتينا شمال شويه هاتينا يمين شويه ادينا عايشين يا دونيا
ازاى كل حاجه غلط يا دكتوره ده نفس رسمه الشيت بالظبط
انت بتعارضنى يعنى ولا ايه على البرورد بتاعتك يلا
وبكل قرف طبعا

وبعد كده عرفت انها اديتنى 3 من 10 فى اللوحه
اللى انا عمال اشتغل فيها 8 ساعات
3 من 10 ؟؟ دى متجبش حتى حق اللوحه والله

ودى كانت اخر الاخبار
كان معكم خالد زكريا من داخل مستشفى المجانين
القاااااااااااااااااااااااااهره

لا بصراحة اتوقعلك مستقبل باهر