النهضه والفنكوش

[aymaan noor]

النهضه والفنكوش
بقلم :رأفت فوزى

طيب لكل اللي بيسال هو فين مشروع النهضه انا بس هكتب شويه حاجات اللي انا فاكره ومش هكتب من ضمنها تجهيز البلد لمشروع النهضه زي مثلا ازاحة الحكم العسكري وتنظيف الدوله من الفاسدين وغيرها كتير :
1- الاتفاقيات التي تم توقيعها مع الصين ومنها وادي السيليكون واللي مش فاهم ايه هي اهمية وادي السيلكون اقوله ببساطه دا معناه ان مصر هتدخل عصر تصنيع التكنولوجيا مش مجرد استيرادها او استخدامها ناهيك عن استغلال موارد البلد (الرمال)
2- اقامة مصنع اسامسونج في بني سويف ودا اول مصنع ودا معناه ان مصر تبقى بديل مهم لدبي والابداع بعد كدا يتوقف على شاطرتنا في التوزيع والانتاج والتسويق وغيره
4- احياء مشروع الجسر البحري بين مصر والسعوديه ودا معناه ان مصر بتوجد بدائل هامه لقناة السويس وتحويلها لبوابه مهمه للتجاره في دول الخليج العربي
4- الاتفاقيات القطريه واهمها محور قناة السويس واقصد هنا الاحواض الجافة لصيانه السفن ومراكز تموين السفن ودا معناه ان مصر هتكون مركز ترانزيت مهم لجميع السفن العابره للمتوسط والاحمر للمحيط الاطلنطي والعكس
5- اتفاقيات قطر لتميه الساحل الشمالي ودا معناه ان الارض اللي كانت بتتنهب من رجال الاعمال السابقين ستعود للدوله مره اخرى واستغلال الساحل الشمالي لتكون مصر محطه سياحه عالميه خاصة في منطقه الساحل الشمالي المنسيه والمنهوبه
6- الاتفاقيات المصريه التركيه واهمها تطوير القاهره الكبرى من خلال مشروع القاهره 2017 ودا معناه ان عاصمة مصر ستنفض الغبار عن نفسها لتقارع عواصم العالم وعلى فكره الموضوع مش مجرد اننا بنصلح مدينه الموضوع ان صورة بلدنا هتنعكس من خلال عاصمتها
7- اتفاقيات السودان : واهمها اناج القمح واللحوم ودا معناه اننا نستغنى عن امريكا في القمح ونستغنى عن استيراد اللحوم التي تحمل لنا الامراض
8- اتفاقيات الاتحاد الاوربي : واهمها الاستثمارات في مجال التعليم ولو اني مش مع نقل التجربه الاوربيه في التعليم وكنت افضل التجربه الكنديه لما تحمله من الحلول الغير تقليديه في التعليم الامريكي والمحافظه على قيم ومبادئ وتسامح المجتمع (بغض النظر عن ماهيه هذه القيم)
9- التوسع في انتاج الكهرباء : صحيح المشروع محتاج وقت بس دا معناه اننا اولا هيكون عندنا مصادر طاقه للمشروعات ثانيا بيع الكهرباء الزائده للدول المجاوره امثال الاردن وفلسطين ولبنان وليبيا ويمكن سوريا في المستقبل
10- الاتفاقيات في انتاج الغاز الطبيعي والبترول : ودا هيامن لينا مصادر مهمه للطاقه في مرحله النهضه

اللي انا كتبته ده كل الحاجات اللي حصلت بالفعل على ارض الواقع --- ومع ذلك ما زالت الحكومه مش حكومتنا (لارضاء كل الاطراف) والمحافظين مش كلهم مننا

وما زال البعض ياسال هو فين مشروع النهضه -------- دا طلع فنكوش