رحلة لمحمد محمود

[Monier]

رحلة لمحمد محمود
ايام كنا فيها اسود
متنا ضد نظام طاغوت
ايام عرفنا فيها معنى الموت
فى ناس مسمعنلهاش صوت
وناس ذكراها مش هتفوت
احلى جرافتى رسمتها بايدى
تبقى ذكرى يشوفها حفيدى
يعرف ان هنا مات ابطال
كان مناهم يعيشوا احرار
جاى تشيل انت ذكراهم
مهما عملت مصر فكراهم
هما اللى جابوا الحرية
وقفوا قصاد الهمجية
والقمع بتاع الدخلية
وكان هتافهم من قلبهم
يسقط حكم العسكرية
ماتوا وهما مبتسمين
علشان نبقى محترمين
كانوا مناهم يمحوا الظلم
ويزيحوا عن مصر الغم
مهما تمسح كل جرافيتى
هفضل ارسم طول حياتى
امسح واطمس فى ذكراهم
هفضل اعليها حتى مماتى
يا ام الشهيد اوعى تخافى
ابنك للظلم عمره ماطاطى
على واقولها باعلى صوت
مش هنرضى باى سكوت
صوت الشهداء جوا فى قلبى
صارخ يهتف كمل مسيرتى
ذكراهم فى قلوبنا محفورة
مهما وجدنا قلوب مقفوله
باقلامنا هنخلد امجادكم
وعمرنا فى يوم ماهننساكوا