احداث السفارة الامريكية

[Monier]

لا اعلم ماذا اقول او احكى
افرح لشعبى ولا ابكى
داخلية بلطجية وعارفينها
ت*** فى اخواتنا وشايفنها
بس انهاردا ايه حكايتها
عند السفارة واقف بتحميها
هى حكاية ولازم ارويها
حكاية رسول كريم اتهان
من كلب وعملاء امريكان
ثار الشعوب فى كل مكان
دى حكاية مينسهاش الزمان
فى ليبيا ***وا سفير بلاده
طيب ايه ذنبه هو وعياله
كل مشكلته انه لبلاده مرسال
وفى الامارات اقتحموا سفارة الكلاب
علشان يثبتوا للعالم انهم مش ارهاب
وفى مصر اولتراس ورجال دين
راحوا على السفارة بقلب حزين
شباب غضبان رسولنا اتهان
طلعوا ع السور وحرقوا علم الامريكان
رفعوا الراية العظيمة
لا اله الا الله محمد رسول الله
بدات سلمية كالعادة
مين اللى بدا اولتراس ولا بيادة
حجارة وخرطوش تقولش انتفاضة
سناريو قديم كل يوم فى اعادة
عساكر مصابة وعربيات محروقة
وواد وبنت واقفين يضحكوا
والبت فرحانة ولخيبتها مبسوطى
حرقنا عربية الشرطة و......
هى ايه الحكاية من الاول علشان نسيت
اه من اهانة المصطفى انا ابتديت
طيب ايه اللى دخل الشرطة فى السفارة
عسكرى كل ذنبه انه بيحمى عمارة
اه غبى بينفذ عميان
بس فى وقت الشده انسان
جدع شهم ورجولة

شغلوا كدا حياته كدا
يقدم حياته للوطن فدا
طيب دا جاهل ميعرفش
انت يا متعلم ايه مبتفهمش
مين الغلط مين الحق
خايف اظلم معايا حد
حقيقى خيبة وحطت علينا
حطينا راسنا فى التراب بايدينا
يارب استر على بلدنا واحمينا
حق نبيك بايدينا هنجيبه