غيرة على اللغة العربية الفصحى

[hammow]

كانت شكوكهمْ
تِحتِمِلْ اخر بقايا الزاد
كانت رساله من عويل
وصْلِت لاخر جيل
لكن ضروري تِنْسِبِكْ وتْخِيلْ
_ كُنْ مُطْمئنْ _
وان يِإلمَكْ سهمِ الخديعه
لا تِإنْ
_ كُنْ مِنْ رياحْ _
من دون جناحاتك تطير
ياكدَّابين
الشِعر مش جرّةْ قلمْ
الشِعر دَمْ
الشِعر دَمْ بيتنزف شُريان وفكْر
لم ينكتب لاجل الموائد والنايات
العمر فات قبل الولاده بألف عمر
قد ينبِعِثْ شِعرك معاك
بل إنه لحن لنفخة الصور الحزينه
قد يبكي تحت العرش خوف
يسعى مكانك ع الصراط .. لا ينجزع
_ قد يسكن الفردوس مكانك _
ويكون ونيسَك في سَقَرْ
_ كُنْ في سَفَرْ _
واحمل متاعك في الدروب
الحكمه هتكون ضالتك
وان صفّر الخوف ف النايات
اخر كلام العارفين
" سِرْ في ثبات "