هى دى مصادر تمويل الإخوان

[nabhab2]

أحب أقول إنى مش من الإخوان بس الناس اللى بتطالب بحل جماعة الإخوان ليه يعنى مزعلاهم فى إيه أنا أعرف إن كل عضو فى جماعة الإخوان بيخصم من راتبه نسبة معينة وأعرف إن معظمهم أطباء ومهندسين ومدرسين وعلماء وناس محترمة وفى كل قرية ومدينة تلاقيهم بيعملوا خير بيلموا الزكاه ويوزعوها ومشاريع كتيره لا تحصى وكفاية إن ايديهم نظيفة من السرقة وغيرها ودا بشهادة الجميع. وهما يعنى الإخوان بياخدوا تمويل من جيوب الناس؟ وبعدين ليه بتنسوا زى الإعلام المصرى كل اللى بيعمله الرئيس د/ مرسى الكهرباء وانحلت مشكلتها والقمامة شغال فيها بس بعض المحليات من أذناب الحزب الوطنى بتضع قمامه فى الشوارع لإحراجه وغير المشير وعنان وكرمهم! ونخنوخ أكبر بلطجى فى مصر لما اتقبض عليه دا مش حاجة كويسه؟ والوزراء الجدد ناس محترمه وعمل نائب لا خلاف عليه وفين أخونه الدولة الدولة فيها كام مسئول إخوانى؟؟ لا يتعدى عددهم العشرات من بين الآلاف للناس اللى بتقول أخونه الدولة وبعدين احنا صبرنا 30 سنة بنتضرب ونتهان، مش قادرين نصبر 4 سنين ولو معجبناش ننتخب غيره وبعدين انتوا جربتوا حكم الإخوان إمتى؟ بقالكوا 60 سنة بتشربوا من حكومة الاشتراكية والرأسمالية وحكومة رجال الإعمال الحرامية! وقناة الناس إتقفلت فى زمن مبارك بأمر من المدام للى بيقول إن فيه غلق القنوات فى عهد د مرسى وعكاشة لما يشتم دى حرية رأى وتعبير؟ وجريدة الدستور لما تقول رئيس عبيط ودولة عبيطة دا حرية رأى؟ ولما الأفلام والممثلين بياخدوا ملايين فى المسلسلات والأفلام على الأحضان و.... يبقى دا حرية رأى؟ وفى النهاية أحب أقول لكل من يحارب الإسلام اتقى الله فى دينك ووطنك فلو مش خايف من البشر خاف من رب البشر " ولا تحسبن الله غافلاً عما يعمل الظالمون" صدق الله العظيم