بتحبنى ..مبتحبنيش

[مريم السباعى.]

بتحبنى ..مبتحبنيش
بتحبنى ..مبتحبنيش

عشان مدوخكوش هقولكم الحكاية واللى فيها

... انا فعلا بحبها
انا عمرى ماشفت بنت زيها فى ادبها واخلاقها
اما اشوفها بتلخبط
ببقى نفسى تكلمنى
نفسى اعرف عنها كل حاجه
ونفسى هيا تعرف عنى كل حاجه
نفسى اقرب منها اوى
اسمعها واحكيلها

والأهم بقى نفسى اعرف انا ايه بالنسبه ليها
واخده بالها منى ومن لهفتى عليها ولا مش فى دماغها
كل اللى شاغل بالى دلوقتى اصارحها ولا اخبى ؟
خايف اوى تضيع منى
تتعلق بحد غيرى ولا تتخطب وانا عمرى ماهلاقى زيها

وفى نفس الوقت صعب اوى اتقدملها دلوقتى .اعمل ايه ؟؟

طيب بص ياسيدى احنا هنجرب الحلين ونشوف نختار ايه

الأول تكلمها ونشوف هيحصل ايه؟

ادامك حل من اتنين:

*لإما هتلاقيها فعلا بتبادلك شعورك وهيا كمان نفسها تقرب
*ياإما هترفضك عشان انت قلت هى ادب واخلاق وانت مش جاهز فهيا مش هتصاحب او انت اصلا مش فى دماغها

طيب نكمل تفكير لو هيا كمان عاوزة تقرب ايه هيحصل
كان اقصى طموحك تعرف ايه شعورها
دلوقتى لا هيبقى طموحك اعلى
عاوز رقم موبايلها..طيب اكونتك على الفيس
وبعد كده عاوز ألمسها..
عمرك ما هتكتفى
اصل الحرام زى المية المالحة هتشرب اكتر هتعطش اكتر

وبعدين استنى هنا
انت مش قلت بتحبها ؟!!
وانت اما تكلمها وتعرفها كده هتحافظ عليها ؟!
كده هتحافظ على قلبها ابيض وبرىء زى ما انت حبيته ؟
كده مش هتستهلك مشاعرها
؟!!
كده مش هتبعد قلبها عن ربنا اما يبقى فيه حب ليك انت

والاهم بقى
انت كده هتبقى ضامن اوى تتجوزها ؟؟
احب اقولك
ابسليوتلى

الجواز (رزق ثم رزق ثم رزق )
يعنى لو مش مكتوبلك
لو بتحبها حب محدش حبه قبلك ولا بعدك وهيا نفس مشاعرك واكتر
وربنا مش رايد
يبقى خلاص قضى الأمر

طلع حل فاكس

نشوف التانى

آه بحبها وهكتم
مش هقولها
بس نفس الشعور همووووووت واعرف انا ليها ايه؟
بص ياسيدى ذات مومينت انت هتتألم شويه
بس برده ادامك حلين
*إما ربنا يكافأك بيها فى الحلال ومين عارف ممكن هيا كمان تكون كانت بتبادلك شعورك وصابرة زيك
وربنا عوض صبركم حب فى الحلال
ماهو سبحانه قال :"إنه من يتق ويصبر فإن الله لا يضيع أجر المحسنين "

*وإما ربنا هيبعدها عنك وهتكون لغيرك وقتها هتتعب شوية وهتتألم
بس بعدها هتعرف ان ده الخير ليك اما ربنا يكافأك بزوجة صالحه عمرك ماكنت تحلم بيها
اصل خد بالك ياصاحبى
عمرك ماهتسيب شهوتك عشان ترضى ربنا وربنا هيضيعك
عمرك ماهتصبر ومتنولش
ده ربك كريييييم
وهو بيقولنا
"هل جزاء الإحسان إلا الإحسان "

يارب تكون عرفت هتعمل إيه

وحطها ديما فى بالك

"اصبر عن الحرام يمتعك الله بالحلال "
منقول