حلمي زامورا مات

[بنت الزمالك]

حلمي زامورا مات وساب شوية عاهات
حلمي زامورا مات وساب النادي لشوية ناس متعرفش ربنا ولا عندهم دم ولا عندهم انتماء مش بيفكروا غير في مصالحهم وبس
سابلنا مجلس عار مبيفهمش حاجه في اي حاجه مبيفهمش حاجه لا في امور الاداره ولا التسويق بيفهم بس انه يأخر مستحقات اللاعيبه ويكون سبب في ان اللاعيبه تكره النادي وتسيبه وتمشي
وعدنا ممدوح عباس في برنامجه الانتخابي بمناخ رياضي رائع هيوفره في النادي ووعدنا ان مفيش لاعيب هتتأخر مستحقاته ومفيش لاعيب مش هياخد حقه وصدقناه وكانت النتيجه لاعيبه من فريق اليد باعوا عربياتهم وموبايلاتهم عشان يوفروا فلوس لنفسهم واهلهم ودا كلام خالد الغندور وعشان ميحملوش النادي اكتر من الي هو فيه من تسيب وفوضي
مجلس العار كان سبب كمان في انه يقتل الانتماء جوه كل لاعب اللاعيبه مبقتش عاوزه تلعب ولا فارق معاها اي حاجه عادي وايه يعني اما يخسروا هما اصلا نزلين عشان يخسروا والدليل ابتسامة ابراهيم صلاح العريضه بعد ما خسرنا الماتش
مجلس الاداراه كان السبب في كل حاجه بتحصل ومش هحمل غيره مسؤليه المهزله الي جوا النادي
ابراهيم يوسف الي بيدعي انه ابن النادي اتخانق خناقه لرب السما عشان مكنش عاوزهم يجيبوا مدرب وكان عاوز اخوه هو الي يمسك
لما يكون الزمالك في عز ازمته المفروض ان مجلس العار دا يكون مجتمع بيشوف حل لااااااا ازاي كان ممدوح عباس بيستجم في اسبانيا وابراهيم يوسف بيجري ورا مدحت شلبي وحازم بيعمل شوبينج في دبي
ضيعوا هيبة الكيان وبهدلوا اسم الزمالك وخربوا الدنيا ومنهم لله وحسبي الله ونعم الوكيل
ويكون بعد كل الي حصل لسان حال الجماهير منهم مش هنشجع كوره تاني ومنهم اوفياااااااااااااااااااااااااااااااااااااااااااااا ااااااااااااء وانا بنضم لاوفياء وان لم تبتسم لنا السماء
نيجي بقا لواحد ملوش ذنب في اي حاجه بتحصل غير انه بيحب الزمالك في وسط شويه اوباش ميعرفوش ربنا
عبد الواحد السيد
يقولون انا الحارس نصف الفريق وعبد الواحد حارس بلا فريق عبد الواحد السيد ستظل الافضل
دا كان كلامي عاوزه اعرف يا زملكاوية المشكله فين وهنحلها ازاي وهتفضل معاه ولا هتبطل تشجيع