اقتباس:
المشاركة الأصلية كتبت بواسطة dr nooda
علي فكرة بجد علاج طبيعي كلية تحفة ومستقبلها حلو جدا
انا خدت اولي صيدلة وبفكر أحولها 
كانت حلمي ادخلها بس الناس قعدوا يشتمولي فيها لغاية ما كتبت صيدلة 
بس كنت عايزة أسأل حاجة
هياا مدتها 4 سنين وسنة اميتاز تدريب كدا صح ؟
يعني كأنها 4 سنين بس ؟
وحكاية أخصائي تغذية دي ده تخصص في اخر سنة ولا ف الأول ؟
وكمان حاجة معلش لازم عشان يفتح عيادة يعمل ماجستير ودكتوارة زي طب
ولا بيشتغل بعد ما يخلص علطول ؟؟
وشكــــــــرا  |
بالنسبة للدراسة هى لحد ديلوقتى خمس سنين"أربعة دراسة و سنة أمتياز"
لكن اللايحة الجديدة هاتبقى ست سنين "خمسة دراسة و سنة أمتياز" لكن لسا اللايحة ديه مش هاتطبق ع الدفعة الجديدة لسا موافقاتها و كدا
لكن هى مش أربع سنين لأن الأمتياز ده أساسى برضه
و أخصائى تغذية ده أساسا من بشرى موضوع تخسيس و تغذية ده بتبقى دبلومة ممكن تتعمل بعد التخرج مبتدريسيهاش فى الدراسة الأساسية
فتح العيادة بيبقى بعد ما تخلصى بمدة معينة أو بعد الماجيستير بس قوانينه أيه معرفهاش بالظبط ممكن تتأكدى من أتحاد طلبة الكلية هاتلاقيهم ع الفيس سواء أكونت أو الجروب بتاعهم لكن أساسا الشغل بيبقى مفتوحلك من قبل ما تتخرجى أصلا لأننا كمجال مطلوبين جدا و فى دكاترة كتير بيشتغلوا فى عيادات من و هم فى تالتة و رابعة و تانيين بينزلوا تدريب من بعد أجازة أولى كمان
يا رب أكون فيدتك و ربنا معاكى و ييسرلك الخير سواء فى صيدلة أو معانا فى الكلية إن شاء الله
14-08-2012, 08:36 PM
العرض الشجري
