مقالات الشبح الوهمية ..... المقالة الاولى

[juventus]

أنا واقعى

---------------------------------------------------------------------------

ليه يا ربى كدا ! هو ليه عشان انا واقعى و مش بنافق الناس بيكرهونى

و بيقولو عليا محبط ليهم و مقلل منهم و بدمرهم ؟! هو لازم اكون منافق

واشجعهم و انا عارف ان الحاجة ديه هما مش هينجحوا فيه ! ده كمان حبيبتى الى عارفانى

و حافظانى بتقول عليا كده ..... و هنا افتكرت انك عشان تعجب الناس لازم تنافقهم و تعمل نفسك قلبك عليهم – قال خايف و مرعوب عليهم من اى حاجة - و مش عايز تحبطهم , بس بلعكس والهى انا مش لازم انافق و اكذب عليهم انا اخترت طريق الصدق و ده الصراحة اقرب طريق للراحة النفسية لما بمشى فى الطريق ده ..... , انا عارف ان الناس عايزة واحد منافق و خلاص و مش بيحبو الصادق لأن كلاموه بيجرحهم و عند ناس كتيير اوى بيفتكروا ان الصدق ده بيحبطهم و بيقلل من معناويتهم و كمثال واحد صاحبى عايز يدخل هندسة و ده عمره ما كان بيحب الرياضيات – الماث - فقولت له ما تسيبك من الحكاية ديه اصلك ممكن تتعب فى هندسة اوى اوى و تسقط و الكلام ده كمان حرام تاخذ مكان واحد كان نفسو يدخولها بجد و حلمو يطلع مهندس انت مش فارق معاك تخش اى كلية المهم انا عايزك تخش الكلية الى انت حاسس انك هتقدر تذاكر فيها و لما تتخرج هتحب شغلك و فجأة بعد الكلام ده لقيت وشه بيحمر و عمال يشتم و كان ناقص يطلع دخان من ودنه – اذنه يعنى – و كان بيقول انت محبط انا مش هكلمك تانى و اخر مرة هاخد رأيك فى حاجة انت مبتحبليش الخير و فاكرنى اقل منك لأ انا احسن منك و من 10 زيك و فضلت وصلة الردح ديه شغالة ساعتين كاملين و انا واقف اضحك و اتعجبك من غباؤه انو فكر انى عايز احبطو و خلاص لمجرد كمثال انى غيران منه .....