حرام عليك يا باشا خليه ياكل عيش

[alqadhi]

هذا الموضوع منقول على لسان احد ضباط الشرطة نقلا عن "الفجر"

السلام عليكم ورحمة الله ورمضان كريم على الجميع ,
انا ضابط شرطة وللأسف لغاية اللحظة دي مش حاسس من الناس بأي نوع من أنواع التعاون .. من يومين جيت اقبض على واد عنده ١٩ سنة ماشي بنص نقل صغير من غير اي اوراق تثبت هوة مين ولا رخصة العربية كمان , طبعا الولد في الأول بجح الظاهر كان واخد حاجة مخدرة وباين من طريقة كلامة , مش دي مشكلتي لكن المشكلة ان لما الولد حاول يعترضني ودخل معايا في قلة أدب الناس وقفت في صفه مع ان لو الواد ده كان سرق حد من الناس اللي حاشوا كان هوة نفسه هيقطعه ولقيت اتنين منهم بيزعقولي .. يا باشا حرام عليك يا باشا خليه ياكل عيش … ودي هية المصيبة … لما مسكته طلعت قطاع ارزاق ومفتري ولو سيبته اكيد كنت هطلع مهمل ومش شايف شغلي أو فلول على رأي اللي قال .. طيب هنفضل كدة لإمتى ؟ الناس ناوية تفوق امتى ؟ احنا الضباط حالنا هيفضل كدة لإمتى ؟ وخدوا بالكم انا بتكلم في مشكلة بسيطة فتخيلوا لما المشكلة بتبقى اكبر بنلاقي مهازل من الناس اللي في الشارع .. ياريت حد يرد علية .

اخوكم محمد عبد الله




شاهد المحتوى الأصلي علي بوابة الفجر الاليكترونية - حرام عليك يا باشا خليه ياكل عيش

http://new.elfagr.org/Detail.aspx?nw...secid=45&vid=2