|
اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
|
أدوات الموضوع | انواع عرض الموضوع |
#11
|
|||
|
|||
السلام عليكم و رحمة الله و بركاته .. ازيكم؟ عاملين ايه ؟ طبعا انا عارفة اني بورط نفسي " زي ما بتورط كتير " اني اتكلم ف موضوع زي دا.. فـ حديث للرسول صلي الله عليه و سلم بيقول فيه "نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ" .. و حديث تاني "لا تزولُ قَدَمَا عَبْدٍ يومَ القيامةِ حتى يُسألَ عنْ أربع ٍ عنْ عُمُرِهِ فيما أفناهُ وعنْ جسدِه فيما أبْلاهُ وعنْ مالهِ مِنْ أيْنَ أخذهُ وفيما أنْفَقَهُ وعنْ عِلمِهِ ماذا عَمِلَ بهِ".. انا و الله مش نيتي اني انكد ع خلق الله .. لكن يا خلق الله ركزوا ف الحديثين كدا و خاصة الحدديث التاني هتلاقوه مخيف بجد مخيييييف تخيل انك لالا متتخيلش عشان دا هيكون الواقع ان " الله " هيسألك عن عمرك ضيعته ف ايه يا عبدي؟؟ ..يا نهاااااار دا الموضوع كبير .. كل جزء اصغر من الثانية .. كل ثانية .. كل دقيقة .. كل ساعة .. وهكذا لحد ما ينتهي عمرك .. ضيعته ف ايه؟؟ .. هتعرف تنطق/ي و تقول كنت بهزر مع اصحابي كتييير و ااجي عشان انصرك يا رب اروح منصركش و اقول لسا بدري .. كنت بحط اسئلة عشان اعرف شخصياتهم و نحاول نفهم بعض عشان عشان !!!! و عزتك ما عارف عشان ايه؟؟ .. بصوا يا جماعة بجد و الله الموضوع خطير خطيييير .. احنا فعلا بنحاول نساعد بعض دايما و بنحاول نعمل حاجة مفيدة لكن لو نظرنا نظرة حق هنلاقي معظم مواضيعنا هزااااااااار و هزاااااااار كتيير منوش فايدة .. عامة كل واحد بيعمل اللي عاوزه و احنا معدناش صغيرين .. احنا محسوبين من "أمة محمد" الرجل اللي تعب و سال دم رجله عشان خاطر سيادتنا .. و احنا مقضينها هو أنت عندك كام سنة؟؟ ممكن اتعرف عليك؟؟ يا إلهي رحماك .. كفاية كلام و كل واحد ف الاخر بيعمل اللي عاوزه برضو .. السلام عليكم و رحمة الله و بركاته
__________________
(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)
صبراً يا نفسي , معنا الله..صبراً يا نفسي فطريقي من نيران :: إلا الحبيب .. يا عُبَّـاد الصليب :: |
العلامات المرجعية |
|
|