(حملة ومسابقة حفظ القران الكريم) ادخل وشارك فى الجماعة ربنا يبارك

[مريم السباعى.]

السلام عليكم ورحمة الله وبركاته

رمضان مبارك عليكم

بصوا من الاول الموضوع طويل حبة حتسيبه وتمل وتمشى ولا حتجاهد نفسك من
اجل الله سبحانه وعداد ثواب شغال وانت بتقرا كل كلمة واحنا فى رمضان بقا ها
فكر وجاوب؟؟

ها فكرت ...تمام.....

يارب تكونو دايما منورين المنتدى كدا يارب
شكرا جزيلا على دخولك الموضوع وهذا ان دل فيدل على قلب فيه حب القرآن
ونور الايمان ربنا يفتح عليكم جميعا رمضان كريم

لقد اعددنا هذه الفكرة منذ فترة ولكن اوقفنها البدا فيها لظروف نتيجة الثانوية
العامة وان شاء الله نبدا فيها اليوم فى اول ايام الشهر الكريم

ممممممممممم طولت عليكم طيب حقكم عليا اتفضلو معايا

وارجو قراءة كل كلمة بتمعن





انا ان شاء الله كدة جيلكو بفكرة بدعى ربنا من كل قلبى اننا ننجح بجد فيها وربنا
يقوينا وهى امتداد لفكرة هالة محمد 2 حبيبتى واختى عندما اشارت باول
موضوع لنستغل اجازتنا فى حفظ القران


وحنتاول الموضوع على هيئة سؤال وجواب طبعا اسم الموضوع باين حنكلم عن
ايه بس ان شاء الله الفكرة حتتناولها بطريقة جديدة اتمنى تعجبكم

* لماذا احفظ القرآن؟

ادخل هنا وانت تعرف
http://www.saaid.net/Quran/18.htm

* الفكرة دى فى ايه حتفيدنا يعنى فى حفظ القراءن او اى الشئ المميز فيها؟

1-الفكرة انها حتعتمد على واجب يومى حنوضحه بتفصيل ان شاء الله يعنى
الاساس فيها هو المداومة لان اكتر شئ بيخلينا منكملش فى الحفظ مش عدم
القدرة ولكن عدم الالتزام والمداومة وكمان حيكون فى مشاركة بشكل يومى مش
حتحفظ لوحدك من انهاردة حنحفظ سوا

2-اننا هدفنا مش حفظ القراءن بس لا اننا نطلع على تفسير الجزاء الى حنحفظه
وحنفهمه لان بجد يا جماعة انا عندى احفظ جزاء وافهمه واعرف معانية واقدر
اعمل بيه ولا احفظ 10 اجزاء نصهم مش فهم حاجة فيهم خالص اهم شئ
الحفظ مع التدبر

3-حنضمن ان شاء الله فى خلال 5 ايم حفظ جزء كامل واليوم سادس مراجعة
يعنى ممكن فى شهر نكون دخلنا فى ربع القراءن باذن الله





* ايه هو الواجب اليومى الى حنخده؟

الواجب هو حفظ 2 صفحة كل يوم طول اليوم مش وراك غير صفحتين بس من
كتاب ربنا وندخل على النت نقراه تفسيره ومعاني الصفحتين دول








* طيب الواحد حيشارك ازاى او ايه مفهوم المسابقة يعنى ايه المطلوب منى بالضبط؟


بص يا سيدى احنا كل يوم الصبح حنوضع الواجب المطلوب اليوم كما كتبناه وبعد
متخلص حتدخل حتقر انك فعلت الواجب وبعد كدة تكتب سؤال عن الصفحتين دول
يجاوب عليهم الى بعدك مثلا زى ايه زى ايه اجمل ايه حفظتها فى الصفحتين دول
ما تفسير الاية كذا مثلا الاية رقم كذا نزلت فى مين يعنى نوع من التنشيط
وتانى يوم نكتب الواجب التانى الصبح برضه ان شاء الله ولو او حصل ظرف فان
شاء الله هالة حتابع معايا واتمنى تكون موافقة معايا علىالفكرة وكمان بعد حفظ
كل جزاء ان شاء الله حنشوف اكتر اعضاء كانو بيسجلو يوميا الواجب معانا
وحنحطهم فى قائمة الشرف..يلا يا سيدى ايه رأيك

* طيب هما صفحتين مش كتير شوية ؟

انا فى رأيي مش شايفة انهم كتير لو حنقارن بحفظنا ايام الدراسة والامتحانت
بنحفظ اكتر من كدة بكتير وكمان احنا لو حفظنا بس صفحة الصبح وصفحة بليل
يبقى خلاص ومع ذللك لو كان الكم دة كبير خلاص ممكن تشوف حتحفظ اد ايه
المهم تابع معانا بشكل يومى على الجزء الى حتحفظه

*طيب ناس شايفاه الجاء دة قليل؟

حقول يا جماعة خير الاعمال ادومها وان قل لو قادر تحفظ اكتر احفظ بشرط انك
تحفظ الاول صفحتني وتقراه تفسيرهم ويس وتخش تعمل اثبات حالة انك حفظت
وبعد كدة كمل باقى اليوم احفظ كما تريد






* طيب انا حافظ اصلا وسابق اكتر من صفحتين بمدة ؟

يا سيدى مفيش مشكلة اكمل مع حالك واعتبر وجودك معانا بمثابة مراجعة وكمان
تقرأ التفسير الى حفظته معانا عادى وانت مكمل حفظ مش حيضرك بشئ بالعكس
حيفيدك





* طيب لو حد قرا الموضوع واحنا مسابقين او كتبنا واجبات كتير ؟

عادى جدا اكمل من اول موصلت لنا وبعد كدة ابقى كمل الى باقيلك اهم شئ تتابع
معانا

دى اكتر الاسئلة حولين الفكرة اتمنى تكون وضحت وان شاء الله لو حد
عنده اى سؤال يتفضل يكتبه

اذن خطة المسابقة (حملة حفظ القران )

( وفى ذللك فليتنافس المتنافسون)

1-اولا الواجب العملى لكل يوم
(حفظ صفحتنين من كتاب الله + قراءة تفسير لهذا الصفحتين وسيتم وضع
الواجب كل يوم بطريقة يومية )

2_هناك موضوعان مساعدان رئيسيان سيساعدكم فى المهمة

الاول يتم فيه وضع تفسير السور بشكل مرتب سياعدك كثيرا باذن الله وهذا على هذا اللينك

http://www.thanwya.com/vb/showthread.php?t=444236

الثانى سيتم فيه استقبال اى مشاركة او اعجاب بالفكرة او اى تعليق على هذا الموضوع

http://www.thanwya.com/vb/showthread.php?t=444238

" وللتذكير يرجى الاطلاع على مواضيع اقسام علوم القراءن ففيها الكثير من
الموضوعات التى ستاعد فى فهم كتاب الله باذن الرحمن "

3_هذا الموضوع شبه مغلق لا يتم فيه الا وضع الواجب وان تدخل وتقر بالواجب
كما اقررنا بالاعلى حفاظا على نظام المسابقة

كلمة فى أذنك/مريم السباعى وهالة محمد والكثيرين من يحاولون ان يشرفون
ويساعدون فى هذه الفكرة كل حلمنا ان يقدر الله ان نحفظ كتاب الله سويا بقدر ما
الهمنا الله من فكرة ولو حتى 10 بس او حتى 2 او واحد قدرو يكملوا معانا فى
حفظ القراءن سيكون تحقق حلم من اجمل احلام حياتى فارجو ان تهتم

واتمنى ان تشارك فى ذلك الحلم ليصبح واقع باذن الله

الدال على خير كفاعله فانشر الفكرة اذا اقتنعت بها لن تخسر شيئا

(يمكنك نشر الفكرة عن طريق النشر فى اقسام المنتدى او ارسال رسالة خاصة
لاصدقائك او وضع لينك الموضوع فى توقيعك)

وفى النهاية (اللهم اغفر لنا خطيانا وتقبل صالح اعملنا وارحمنا واجعل هذا العمل
حجة لنا لا علينا)

ورمضان كريم.....................................

انتظرونا لوضع اول واجب باذن الله ومتابعته

....... رابطة حفظ القراءن الكريم........