تعالو نتعرف على بعض

[أميرة الحب]

أنا شاركت قبل كدا و اتكلمت عن نفسي شوية بس ساعتها مامتي كانت بتنادي عليا فكنت متسربعة وانا بكتب
عشان كدا هكتب دلوقتي وانا هادية كدا

بصوا يا حضرات :

أنا اسمي أميرة من القاهرة وأسيوط
ازاي؟
لأن ماما وعيلتها من القاهرة وبابا وعيلته من اسيوط
عشان كدا احنا ساكنين حاليا ف اسيوط وبنروح القاهرة في الأجازات

تاريخ ميلادي 28/9/1992
يعني هعمل بطاقة 28/9 الجاي بإذن الله

أنا انسانة عادية رومانسية جداااااا .. اجتماعية والحمد لله محبوبة من الجميع.. بكره التشاؤم والتفاهة والغرور .. بحب المرح و ليا جروب كدا حوالي 6 بنات كلهم أصدقائي وحبايبي أوىىىىى
وطبعا انتوا كمان أصدقائي وبحبكوا جداااااااااااااااااااااا وربنا يعلم
الحمد لله أسرتي متدينة ... نفسي يبقا ربنا دايما راضي عني واقدر اخدم ديني الإسلام

حلمي اني ادخل كلية صيدلة وأفرح بابا وماما وعيلتي كلها وكمان عشان ربنا يبقا راضي عني ( من سلك طريقا يلتمس فيه علما سهل الله له طريقا الى الجنة )

هواياتي كتيرة اوي ممكن انسي منها كتير
يعني بحب النت والشات والقراءة وتلاوة القرآن الكريم وبحب العاب الذكاء ( زي الشطرنج مثلا )سواء مع الكومبيوتر أو مع أخويا أو اصحابي ..بحب اسمع افلام اجنبية ( المحترمة بس طبعا) و بحب الرحلات و............ ألوت أوف ثينجس:D

وانا اكيد في تانية ثانوي علمي علوم وأكتر مادة بحبها الكيميا وبحب لغة الانجليزي أوي

على فكرة انا طولت عليكوا وحاسة اني عبطت في الكلام

اعذروني بقا اعتقد كلنا بتجيلنا تخاريف واحنا في الثانوية العامية دي ربنا يطلعنا منها على خير وبدون آثار جانبية

وربنا يوفقنا كلنا يارب

والسلام عليكم