برنامج تنسيق الثانوية العامة ...حصريا على بوابة الثانوية

[prince of scientists]

اقدم لكم اليوم برنامج للمساعدة فى تنسيق الثانوية العامة
" البرنامج من برمجتى الشخصية"
الحمد لله فاضل اسبوع على اعلان النتيجة وبعدين كل واحد مش عارف هيعمل ايه فى التنسيق اللى هيبتدى بعد اسبوع من النتيجة يبدأ اسئلة كتيير عن الحد الادنى لكلية كذا ويسأل التنسيق الالكترونى ازاى وبعدين ايه الورق المطلوب للكلية ويعنى ايه توزيع جغرافي وازاى التحويل لكلية مناظرة وغير مناظرة وايه هى قواعد تقليل الاغتراب ... معلش طولت فى الجزء ده بس كل سنة بنشوف التوهان اللى طلبه كتيير بيكونوا فيه وبما اننا عنكون مشغولين فبيقي الرد على الطلبة صعب شوية ده كمان زيادة ان مواقع التنسيق اللى بتدى معلومات عن الطريقة زى بوابة الحكومة او موقع الاستاذ بتكون صعب تفتح عشان الضغط الشديد عليها

بالنسبة لكل المشاكل اللى بتحصل فى الاسبوعين دولا بتبقي اشد من انتظار النتيجة
ومن هنا جاتلى فكرة حلوووة اووى ليه موفرش على الناس كل التعب والتوتر ده كله وهو قاعد عمال يبحث فى جوجل ومش لاقي معلومة صح
فقلت بقي اننا ممكن اعمل برنامج يلم معظم الاسئلة والاستفسارات بتاعت النتيحة والتنسيق والتحويل والتقديم للكليات ... كل ده فى برنامج واحد يكون على الجهاز بحيث اعرف كل حاجة ومستناش الموقع يفتح ولاعنه مفتح
وبما اننا بفهم شوية صغييييرين فى البرمجة اللى خدناها فى تالتة اعدادى بدأت اعمل البرنامج وخلصته الحمد لله النهاردة بعد مجهود شاق لخمس ايام وجه بقي وقت الحصاد



1-البرنامج بيقدم كل المعلومات اللى بيحتاجها الطلبة منذ اعلان النتيجة حتى التقديم للكلية مرورا بالتنسيق والتحويل وتقليل الاغتراب والتقديم للكلية
2- وضع جميع حقوق وشعارات المنتدى على البرنامج واللوجو عشان محدش يعرف يحط حقوقه عليه وده اقل واجب للمنتدى
3- امكانية الدخول للمنتدى مباشرة من البرنامج " المنتدى بس مش اي حته تانية"
4- وجود امكانية وضع استفسار او سؤال فى المنتدى مباشرة من البرنامج..



1- حمل البرنامج من المرفقات او من الميديا فير " المساحة 850 kp "
2- فك الضغط عن البرنامج
3- اضغط على ايفونة"تنسيق الثانوية العامة" ووافق على التسطيب
4- روح ل all programs من start menu
5- شغل البرنامج
6-الرقم السري بتاع البرنامج محدش ينساه عشان حقوق الملكية الفكرية
thanwya.com

الباركود الخاص بالبرنامج BARCODE










احب قبل ما انهى الموضوع انى اقدم خالص الشكر والحب لكل اعضاء المنتدى من طلاب و مدرسين وادارة وادعو ان ربنا يجعل كل اعمالهم في ميزان حسناتهم وينفع بيها واخص بالذكر مسيو منتصر الجميلى و مستر مينا ماهر


فى النهاية اتمنى ان البرنامج يعجبكم والاهم انه يفيدكم و ربنا ينفع بيه الجميع واتمنى انكم تدعولى بالنجاح والتوفيق فى النتيجة يارب اجيب مجموع حلو
" اوعو متدعوش ليه"

Mediafire

http://www.mediafire.com/?1t840pdz5czfizj




ملحوظة مهمة اوووى
محدش يحمل الحاجات دى الا لو حمل البرنامج ومشتغلش معاه

الناس اللى الويندوز بتاعها مفيهوش windows installer تحمله من المديافير 2 ميجا

http://www.mediafire.com/?ht4vdl5lidzo5dp

واللى معندوش net framework يقدر يحمله من هنا

http://www.mediafire.com/?c1yc74uar65zpk6