متخافوش

[RamXOoD]

بسم الله الرحمن الرحيم

طبعا انا زعلان اوي و الله ع الامتحان الرخم اللي جه لاخواتنا ف تالتة بس معلش ان الله لا يضيع اجر من احسن عملا

المهم ركزوا ف المادة الجاية و متخافوش ربنا بيكافئ كل واحد على اد تعبه و بيحط كل واحد ف مكانه اللي هيقدر يشتغل فيه و الرزق من عند ربنا ياما ناس كتير جابوا 99 و دخلوا هندسة و حولوا منها و راحوا حتت تانية بقوا فيها بسم الله ما شاء الله اساتذة ف مهنتهم

يلا بقى و ان شاء الله هتكون خير علينا كلنا و كل واحد هينول اللي ربنا كاتبهوله المهم دلوقتي قولوا الحمد لله و قوموا صلوا ركعتين شكر لله

ان مع العسر يسرا

و يلا بقى عايز نصايحكم ادخل ان شاء الله علمي رياضة ولا علوم
والدي بيتمني اني ابقى دكتور فعلا بس مبحبش الاحياء و انا بحب الرياضة بس مبحبش الهندسة فا عشان كدة متجنن شويتين
بس انا بقول ف تالتة كدة كدة اهي مادة و هتتذاكر ان شاء الله غصب عني فا كدة كدة لازم تتذاكر اذا كانت احياء او رياضة 2

ها نصايحكم بقى و برضو و الله متخافوش ربنا يرزقكم بمصححين كدة عسل و يدوكوا درجات تمام متضيعش تعبكم