:(:):(:): ج ــــيـت آ‘لدنيآ‘ بكـــيت :(:):(:):

[سيلفانو]

انا جيت الدنيا بكيت
زى اى واحد
وكانت فرحه فالبيت
وشمع الفرحه قايد

كان ابويا بيا فرحان
شاف فيا الانسان
اللى ينسيه احزان
عاشت جواه سنين

شاف فيا ضهرة وسنده
كنت اعز ما عنده
كنت ارضه وبلده
القلب ونور العين

شافنى فارس بسلاحه
شاف فيا مداوى جراحه
وبيا زادت افراحه
لكل ايامه الجايين

لكن ***وه وقصادى
وبموته موافق راضى
علشان بيحمى بلادى
زيه زى الملايين

اللى راحوا عشانها
علشان يصونوا مكانها
وتفضل طول زمانها
لراسها كده رافعين

من يومها حلفت أعادى
وأكون جلاد وقاضى
وهعيش فارس بجهادى
علشان امحى الظالمين


وزى مجيتها بدمعه
واتقادت ليا شمعه
بصرخ والدنيا سامعه
التار حافظاه السنين

وزى مابويا شافنى
وبالرجوله عرفنى
لا هيغفل تانى جفنى
إلا وليهم ذلين


صحيح انا طفل صغير
لكن حزنى مكبرنى
وأول مهشد وهكبر
هدعى ربى يقدرنى



بـــــــــــــــــــقــلـــمـــى