زهقتى من الفراخ البانيه المقليه تعالى اقولك على طريقتى

[مـــــلك]

زهقتى من الفراخ البانيه المقليه تعالى اقولك على طريقتى

السلام عليكم ورحمهه الله وبركاته
جايبلكم النهارده طريقه حلوة موت للفراخ البانيه بس بتبيلتى الخاصه
هى وصفه سهله موت ومش حتاخد منك وقت غير 10 دقايق بالضبط
يلا نبدا


اولا المقادير:
*نص كيلو فراخ فيليه او (مكن تعمليها بصدور مخليه من العضم)
*4 م.ك مسترده
*م.ص عصير لمون
*2 فص ثوم كبير مفروم ناعم
*التوابل(ملح,فلفل)
*2 م.ك زبادى
*ربع كوب ميه
*4 م.ك زيت (ذرة او زيتون)

الطريقه:
*بعد ما تغسلي الفراخ كويس حطيها فى طبق غويط شويه عشان التبيله
*ابدئي بتبيلها حطى(المسترده,الثوم,الزبادى,الملح,الفلفل,عصير اليمون)واخلطيهم مع بعض كويس بايدكى بس بخفه وحطيها فى الثلاجه لمده ساعتين
*بعد كده تجيبي طاسه وتحطى فيها زيت (ذرة او زيتون ) وحطيها ع النار ورصي الفراخ فيها وحطى معاها ميه وسيبيها على نار هاديه وغطيها بفويل وبعدها ب 10 دقايق اقتحى الغطا وشوفى ايه الاخبار لو لسه فى ميه والفراخ على وشك السوا ما تغطيهاش تانى واقلبيها على الوش التانى و ستنى شويه لحد ما الميه تتشرب ويظهر الزيت (تابعيها كويس عشان ما يبقاش وش محمر والتانى لا )
ممكن تقدميها مع نودلز او رز ابيض

وبالف هنا يا حلوين وقولولى ايه الاخبار