::::: أم الشهيد ::::::

[مـــــلك]

أبني لسه ممتش
أبني عايش جوه قلبي
سامعه صوته وضحكته
شايفه في كل حته خطوته
شامه ريحته في الهدوم
شايفه صورته قصاد عنيا كل يوم
يبقا مات إزاي ياناس
أبني لسه ممتش
أبني لما خرج الميدان
يقول يامصر
أصحي يلا كفايه نوم
أحنا هانجبلك حقوقك
من النهرده وكل يوم
ومش هاندوق طعم النوم
غير لما نطهر أرضك يابلدي
من اللي ياما ظلموا فيكي
اللي ياما مصوا دمك
أخدوا خيرك فرحو بيه
وسابو همك للغلابه
كان يقولي
خلاص ياأمي الحق بان والشر بان
ومن النهرده مافيش سكوت
مافيش سكوت على ظلمو البلدي
أصل انا فيها بموت
لما راح مرجعش تاني
جابو دمه فيه القميص
قالو أوعي تزعلى ياأم الشهيد
روحت صارخه بعزم صوتي
أبني لسه ممتش
أبني رايح للي خلقه
هو كان عندي أمانه
أبكي ليه الليله عيد
أبني جاب حق البلد
من اللي أكلو حقوقنا يااااااااما
وعرفونا معنى الخضوع والاهانه
شوفنا منهم ذل ياما
سحلو فينا وسحلو فيها
ومش هاقول أنه ماااااات
أبني عايش في كل شارع في كل حته في البلد
في الضعيف اللي عرفو يجيبو حقه
في كل حته جوه منها هلاقي أبني
لأنه عايش جوه قلبي
ويوم مماته ده يوم ميلاده
والنهرده الليله عيد

بقلمي
كنــــــارة