........ يوميات طالب بيطري ..........

[الاحمدية]

دائما ما يعامل الناس طلبة طب بيطري على انهم كائنات فضائية غير كل البشر :

يشوفك ويسألك في كلية ايه تقوله بيطري يتقرف منك
ويكأن بيطري دي بتأخد من 50%

كل اما يشوفوك ماشي يقولولك يادكتور عندنا فرختين تعبانين مش هتيجي تشوفهم (تريقه يعني )

يعنى يشوفوك فرى كده بتهذر وبتضحك
يستغربوا ايه ده دكتور بيهذر وبيضحك زينا عادى كده ؟؟
ازاى مش معقول !
...
... ايه ياجدعان هو انا لازم ابقى جد ودمى يلطش
وامشى مصدر الوش الخشب عشان ابقى دكتور ؟!!

يشوفوك لابس كاجوال يستغربوا ايه ده بالذمه ده شكل دكتور بيعالج حيوانات؟!

يعنى هو انا لازم ارفع البنطلون لحد سرتى
وأقفل القميص لحد دقنى عشان أعجب ؟!

تبقى فى فرح وحد يقولك عقبالك تقوله ياريت
يقولك : ههههه إلحق الدكتور عايز يتجوز !!

يانهار أزرق هو الدكتور بالنسبالكو انسان آلى
معندوش مشاعر ومش من حقه استغفر الله العظيم انه يحب ويتجوز ؟!

وتستمر المعاناه ...............