إعتراض على تكريم المشرفين

[صوت العقل]

اولا : السلام عليكم جميعا ..
ثانيا : انا حقيقى حابة اتكلم عن المسابقة بما انى مريت بيها ..

فكرة المسابقة جميلة جداااا .. فى البداية ليها رهبة كبيرة ..
انى اشوف نفسى وعملى فى عيون غيرى .. ده شئ صعب
ومش متعودين عليه .. لكن حقيقى استاذ ضبعون كانت تجربة مميزة
ومفيدة .. اظهرت اهتمام الادارة بالجميع .. اظهرت الحب اللى بيجمعنا هنا
مفيش حد زعل من التانى .. كلنا مميزون .. كلنا بنكمل بعض .. ما هو المنتدى
مش ينفع بشخص واحد متميز .. مش هيكون ليه قيمة .. انا تميزت .. لكن ليس لى
قيمة بدون اخوتى وزملائى .. المنتدى بينا كلنا ..وكون ان حد مننا مش فاز .. لاينتقص
هذا من قدره .. بل بالعكس مجرد وجود اسمائنا جميعا تكريم فى حد ذاته ..
واعتقد استاذى اللى بيعمل شئ باقتناع ولوجه الله لن تعنيه هذه الامور ..

وانا مع حضرتك ان ممكن يتم ارسال رسائل او اى طريقة للحث على التصويت والمشاركة ..
اعتقد ان ده شئ عادى .. احيانا الاعضاء مش عارفة ان فيه مسابقة اساسا .. ولما بيعرفوا
بيحبوا يشاركوا .. و متهيالى لو حد صوت لشخص لمجرد انه صديقه يبقى العيب هنا مش من المتسابق .. الخطأ فى الشخص اللى مش حكم عقله وضميره ليصوت لمن كان الاميز من المرشحين ..انا فى المسابقة لم اعطى صوتى لنفسى و كنت اعلم ان اصدقائى محددون ..
ومع ذلك وجدت كثيرون يلاحظون وجودى .. هنا كانت سعادتى .. شعرت بالتقدير بجد ..
وعلى فكرة استاذ ضبعون لى صديقات صوتوا لغيرى .. والله مش اضايقت لان اكيد شافوا
ان الشخص الاخر احق بتصويتهم .. دى كلها امور فردية .. وتعتمد على عقليات الاشخاص ..

لكن بجد التكريم مطلوب عمل روح تانية للجميع .. عليهم انهم يعملوا كى يصلوا للتميز .. واللى مش بيبذل مجهود هيحاول ينشط اكترويعمل بجد ..
وفى النهاية كله مكسب للمنتدى ليحتفظ بتميزه عن باقى المنتديات ..
والتكريم ده اظهر اهتمام الادارة وتشجيعها لمن يعمل ويعطى ..
وده فى حد ذاته تكريم للجميع ..

واعتقد اننا نشوف اسماء من اختارنا .. شئ عادى ..
هو لاننا اصدقاء يبقى لازم يختارونا .. طبعا لاء ..
مش نحجر على اختيارات بعضنا .. ودى حرية شخصية .. ولا يجب ان يكون هناك
اى ضغائن او زعل بسبب الاختيار ..استاذى نحن اناس كبيرة ..
لنا افكارنا واخلاقنا ولا اعتقد ان اى شخص مننا ممكن يزعل من تكريم الاخر ..
تخطينا هذه المرحلة ..

واعتقد ان التكريم كان فرصة حقيقية .. اننا نتعرف على اشخاص لم نتعامل معهم من قبل..
نظرا لكبر المنتدى وكثرة اقسامه ..لكن عرفنا مجهوداتهم من المسابقة ..
شكرا للجميع على الفرصة ..
شكرا لمستر مينا على المجهود الرائع والافكار المشجعة ..
جزاكم الله خيرا جميعا ..
دمتم بخير ..