موضوع حيادى عن الاخوان - رأى اخر

[hamada966]

النقطه الاولى " تغيير المواقف " - ساعه عاش الملك وساعه مات الملك -

اكيد لازم اغير موقفى من حد بيغلط ولازم اوقفه واقوله انت ابتديت تغلط مفيش حد صح علطول او غلط علطول احييه لو احسن واعترض عليه واقومه لو اساء .

النقطه الثانيه " عقيده الجماعه " - اكتشفنا فى 60 يوم انهم مش مسلمين بل متاجرين !! -

اولا احنا مش بنحكم على عقائد العقيده فى القلب ولكن على مواقف ومفيش حد يقدر يحتكر الاسلام و ادام انت بقالك 80 سنه بتقول ان الاسلام هو الحل يبقى كان اجدر بيك انك متحيدش عن اخلاقه و سلوكياته بالشكل ده وتتعاون مع الكل من اولاد وطنك وتبدى مصلحته على نفسك وبعدين كان فين الاخوان والقتل شغال فى محمد محمود كانوا فين وبنات مصر بيتهانوا .

النقطه الثانيه " السلطه والاحتياج " - ماهدفهم من المتاجرة والتلاعب -

معروف ان الاخوان مش محتاجين فلوس والا كانوا بقوا شركه او جمعيه تجاريه لكن الاخوان عندهم مشروع من نوع تانى مشروع سياسى وبالتأكيد علشان يتنفذ محتاج سلطه سياسيه بصورها المختلفه و الانسان ممكن يتحمل الاضطهاد فى فتره علشان يجنى ثمرتها بعدين .

النقطه الثالثه " المده فى المجلس و الانجازات " - هما ماسكين بقالهم قد ايه.. شهرين -

مش معنى ان مجلس الشعب دوره رقابى تشريعيى انه ملوش دور لانه واحد من تلت سلطات ( تنفيذيه - قضائيه - تشريعيه ) عملو بيها ايه بقى بعد رساله شكر افتتاحيه للمجلس العسكرى شويه فلوس لاسر الشهداء وفين القصاص بلاش دى كل الازمات الى حصلت فين الاراده السياسيه من انابيب لبنزين لقاونين طلعت مع نفسها اساسا بتخلى الفلول يطلعوا مقابل شويه فلوس يتنازلوا عنها قالك هنسحب الثقه ومحصلش حاجه وكفايه مستوى النواب الى احنا كلنا شفناه ده حتى الكلمات مكنتش بتتوزع بعدل، شهرين فى مرحله زى دى بسنتين وادام انت قبلت المسؤليه لازم تتحمل العواقب .

النقطه الرابعه " الاعلام وتأثيره " - الاعلام سبب رئيسى لانه بيذكر السيئة فقط -

معظم الاعلاميين معملوش حوار مع ليبرالى الا وكان فيه اخوانى معاه ولقاءات كتير كانوا فيها لوحدهم وطبيعى علشان انت الاغلبيه ان الاسبوت يبقى عليك ودرو الاعلام الرئيسى اساسا انه يراقب المجتمع و يعرض قضاياه مش معنى انه بينقد حد انه اعلام موجه والا يبقى عايزين نرجع لأخترناك تانى .

النقطه الخامسه " اللجنه التأسيسيه و الأستحواذ "- طب هما ليه استحوذو على الدستور ؟-

الاسلاميين اغلبيه تمام تعالا نركز اولا الاسلاميين مش الاخوان بس حاجه كمان لما تجيب 25 عضو من الحريه والعداله وحتى الاعضاء الى من بره تجيبهم محسوبين على الاخوان والجماعه لما النسبه تبقى 75 يبقى عادى جدا وطبيعى و يمثل الازهر بواحد بدوره القيادى والتاريخ واحد بس والكنيسه تلاته وانت ليه بتحط الازهر فى مقابل الكنيسه الى اتسبب فى النسبه دى هما الاخوان و الفرق كبييير بين الازهر والاخوان وبعدين حتى بعد اما الازهر و الكنيسه انسحبوا الاخوان مكملين فى اللجنه ولا كأن اى حاجه حصلت ومين قال ان الليبراليين متناقشوش مع حد من مقابلات لاجتماعات ومفيش فايده حاجه تانى طبعا لازم محدش يبقى فى اللجنه من البرلمان ولاسباب واضحه جدا فى تعارض مصالح كبير لما يجى نائب داخل عمال وفلاحين مش هيدافع عن الخمسين فى الميه لما يبقى من الشورى مش هيدافع عن وجود الشورى بكل بساطه مينفعش انا اكتب القانون الى فوقى والى هيحددلى اطار عملى و سلطاتى والاغلبيه احتمال يمشوا الانتخابات الجايه لكن الدستور قاعد سنين وسنين موضوع بقى 200 دوله كتب دستورها البرلمان فرامل هنا شويه ابوس ايدك مين هما ال200 دوله دول تنزانيا و الكونغو لما تحب تحدد ارجع للمتخصص الى اتبح صوته فى كله حته ان ده مــــــينفعــــــش ومعروف ان الدستور لازم يبقى فيه تنوع ويمثل فيه كل قوى الشعب اغلبيه واقليه ولازم عند نقطه معينه تكتشف انك غلطت وتبتدى تصلح غلطك اى دستور مشتركش فيه الازهر والكنيسه وكل الشرائح الى انسحبت دى هيبقى بدون شك منتقص الشرعيه ان مكنش مفتقدها نيجى للنص ما معنى كلمه انتخاب اساسا يعنى اختار حد غيرى اكيد مش هنتخب نفسى حاجه كمان النص قال 100 مش 100 و 40 احتياطى النص مفهوش 50 50 دى خالص والموضوع ده اساسا مرفوعه بيه قضيه فى الدستوريه العليا وبالنسبه للأستفتاء انا مش هضيع 3 شهور كمان علشان استنى لو حاجه غلط نكمل فيها ليه اصلا حكايه التمثيل دى بقى اى واحد من تالته ابتدائى هيوضحها نائب البرلمان نائب عن الاقليم مش عن كل حاجه الشعب فيه ابواب اختلاف غير كده بكتير و لجان الدساتير التأسيسيه التمثيل فيها مبيبقاش كده .

النقطه السادسه " ترشيح الشاطر " - طب هما ليه رشحوا خيرت الشاطر ؟؟ -

نتكلم بموضوعيه اكيد ترشيح الشاطر مش علشان الحكومه كده كده الاخوان كانوا شهرين وهيشكلوا الحكومه وبعدين ادام انت فى المجلس و اتعهدت لكل الناس انك مش هترشح حد منك وفصلت الى كان عايز يترشح وقرارك نظامى ملزم طب ليه قررت فجأه ان دى لحظه قطف كل حاجه ولا لازم تبقى فى كل مكان زى الوطنى تمام لازم يبقى فى تنوع فى مؤسسات الدوله والا مش هيبقى فيه معارضه ومفيش تقويم للنظام وفى الحاله دى يبقى اكيد اسمه تسلط ومين قال ان التاريخ مش بيفتكر المواقف السياسيه دى اهم حاجه طبعا التاريخ هيقول ان الاخوان قدموا فى 2012 مرشح للرئاسه وتراجعوا عن موقفهم وهيذكر كل مواقفهم فى الفتره الانتقاليه اساسا بضاعه اى سياسى هى الشفافيه والمصداقيه اما بقى من حقهم هو اكيد حقهم والشارع هو الحكم النهائى.

النقطه السابعه " التصيد والتربص" - يتربصوا لكل هب ودب لاى اسلامى -
لما واحد يعمل عمليه تجمبل ويطلع يقول بلطجيه اعتدوا عليا وضربونى يبقى لما اقول انه غلطان وبيزعزع الاستقرار ابقى انا الى غلط وبعدين لما النور نفسه غلطه حزبه وموضوع علياء الصح اساسا انه ميتعرضش الشخصيات دى مش لازم تتبروز باى شكل ولا تتشاف وعمرو اديب مسبهاش برضه وبالنسبه للبرادعى الراجل كان فى مسابقه فى هوليود و كانوا داعيينه و بالنسبه للغرب هو معملش اى حاجه انجلينا حبت تقبله نوع من التحيه هيعمل ايه يعنى.

النقطه الثامنه " الانتخابات و حريه الاختيار " - اننا كشعب عاوزين الاخوان -

اولا ازاى عرفت رأى الشعب كله ومين قال ان المصريين عاوزيين حد يسيطر على كل حاجه وافرض سيطر وضيعلنا 4 سنين ومشوفناش حاجه منه او حتى سابنا اسوأ يبقى لازم ادقق بختار مين الاول مش اجرب هى مش عجله دى مــــصــر احنا بنمشى لقدام خلاص صبرنا كتير اه بس خلاص صبرنا نفذ والا عملنا ثوة ليه ما الدنيا كانت ماشيه برضه ايام مبارك .

النقطه التاسعه " شباب الاخوان " - قرات رسالة لشاب اخوانى -

شباب الاخوان اساسا كتير منهم مش راضيين بقررات الجماعه من اول الثوره و تلاقى منهم نازلين بخلاف لقرار الجماعه و فى الفتره الاخيره فيه منهم اتفصلوا و الوقتى فى احزاب منفصله عملها شباب الاخوان علشان معرفوش يعبروا عن نفسهم فى الجماعه. وكده بايجاز كبير