#1
|
||||
|
||||
![]()
وصية وزير فاسد جدا جدا
اقفل بابك رد الشيش و املا مزاجك قرش حشيش خليه جنبك لقمة عيش سيبك م البلد دي و لا تشكيش و إن سألوك فيه تشويش ؟؟ رد مفيش روح النادي شجع جدّو شجع متعب اصرخ نادي لحد ما تتعب قول يا خلق الأهلي هيكسب و إن حصل و الأهلي اتغلب اضرب صحبك هوه اللي كان السبب ![]() ![]() ![]() و إن سألوك فين الأدب؟؟؟؟ رد مفيش روح اتعشّى كل و اتستّر كل على طول اوعى تفكر اشرب ميه نضيفة اتشكر و إن سألوك فيه شي متعكر؟؟؟؟ و لايهمك و لا تعبّر و رد مفيش سيب السياسة لأهلها دول ناس خبرة هتعرفلها و لا تفكر يوم تيجي جمبها و لو قلولك فيه حاجة مش مرتحلها؟ رد مفيش افتح اتفرج على هيفا و روبي أو حتى على ميار و دبدوبي هتبأى من حبايبي و جروبي و ادعي يغفر ذنوبك و ذنوبي و لو مصر نادتلك و قالت حروبي؟ رد مفيش و لا أقولك فيه فيلم تحفة جنان عادل إمام مرجان أحمد مرجان فيه حتة دين عيل فكسان امشي ف موضته هتبأى بيس يا مان و إن سألوك عندك شكوى من إنسان رد مفيش روح لبلية اشرب شاي اشرب قهوة و إن جات على بالك أي شهوة اعملها و لا يهمك دي كات سهوة و لا تروحش لغيري ف فتوة و إن سألوك عندك شكوى؟؟؟ رد مفيش امشي و عاكس أي وحدة و اوعى تتقل لو هيه باردة و ابأى منفرج لو هيه حادة خليك على طول ع الحال ده و لو قلولك أهو في وحدة على عصاية ساندة رد مفيش اوعى تخالف حاجة ف دولة هخليك رمزي و هبأى أنا دولة هخليك ف حالة جنان مش معقولة هخلي بنتك و مراتك حولة و ده مش صعب ده منتهى السهولة و هيسألوك ديه جريمة مفعولة؟؟؟ وهترد مفيش تعال عندي نسهر مع إبليس ف قصري هخليك تبأى واد عصري و البنات هتكون و راك و هتبأى حصري و لو سألوك فين المصري ؟؟؟؟؟؟؟ رد مفيش أيوه مفيش .......... أيوه مفيش بقلمي: إسراء عبد الفتاح (إليزابيث) هو الصراحة مش قلمي ده قلم وحدة صحبتي كتبته بيه و رجعتهولها بعدين ........هههههههه ![]() ![]() ![]() ![]() اتمنى تقولو رأيكو
__________________
سبحان الله وبحمده
سبحان الله العظيم عدد ما كان وعدد ما يكون وعدد الحركات والسكون |
العلامات المرجعية |
|
|