كلها شهرين ونرتااااح

[Dr..Soha]

بما ان امتحانات الثانوية قربت خلاص قلت لازم اقولكم شوية نصايح يااااااااااااارب تقدروا تسفيدو منها وتطبقوها بقدر المستطاع :
1) طبعا اول حاجة واهم حاجة اولا واخيرا هى طاعة المولى عز وجل والمواضبة على اداء فرائضه وطاعة الوالدين
2)بعد كدة عاوزة اقولكم ان حل دليل التقويم مهم جدا بالرغم من المساوىء الكتير اللى موجودة فيه الا انه بيجى مايقرب من 65% من الامتحان منه او يزيد
3)شوف اكتر وقت تقدر تركز فيه وتراجع فيه النظرى يعنى مثلا اللى تركيزه بيبقى عالى وقت الفجر يذاكر النظرى الفجر وبالليل يطبق على الجزء اللى راجعه وطبعا التطبيق بيكون بالحل ومن اكتر من مصدر واللى بيركز بالليل اكتر هيعمل عكس ماقولت المراجعة النظرى بالليل والحل بالنهار
4)شرب المية الكتير بيزود من تركيزك لان الطلبة اللى بيشتكو من الصداع اثناء المذاكرة بيكون نسبة المية قلت فى جسمهم وبيحصل نوع من الجفاف ودى انا لسة شايفاها فى لقاء مع دكتور
عذرا اذا كنت اتكلمت بالعامية لكن هى بتقرب فكرتى اكتر وربنا معانا جميعا وكلها شهرين ونرتاح وتذكروا دائما ان طعم الراحة لا يدرك الا بالتعب وان لكل مجتهد نصيب
جدد نيتك دائما بانك تتعلم وتجتهد فى سبيل ارضاء المولى عز وجل وخدمة دينه .فى رعاية الله