"المستقلة" تجتمع علي "الفيس" للتحضير لثورة المعلمين نهاية مارس

[محمد حسين الشربينى]

"المستقلة" تجتمع علي "الفيس" للتحضير لثورة المعلمين نهاية مارس

وجه أيمن البيلي وكيل نقابة المعلمين المستقلة ندءاً لمعلمي مصر الذين سجلوا أسمائهم وارقام هواتفهم للمشاركة فى التنسيق للوقفة الاحتجاجية امام مجلس الشعب نهاية مارس الجاري عبر صفحته- علي الفيس بوك - لضرورة التواجد على صفحة جروب نقابة المعلمين المستقلة يوم الثلاثاء القادم فى تمام الساعة 10 مساء وذلك للاطلاع على كيفية التنظيم والاعداد للوقفة.
وجاء فيه نص دعوته : "معلمى مصر الشرفاء.يابناة الوطن الى كل الزملاء الافاضل الذين سجلوا الاسماء وارقام التليفونات للمشاركة فى التنسيق للوقفة الاحتجاجية امام مجلس الشعب يوم 31\3\2012 ضرورة التواجد على صفحة جروب نقابة المعلمين المستقلة يوم الثلاثاء القادم فى تمام الساعة 10 مساء وذلك للاطلاع على كيفية التنظيم والاعداد للوقفة وكذلك طرق الاتصال بين المنسقين بالمحافظة الواحدة وطريقة التجمع يوم الوقفة وايضا اللافتات وغيرها من امور تنظيمية وذلك لضمان نجاح الوقفة ..عاش نضال المعلم المصرى ..عاشت نقابة المعلمين المستقلة
وعلي صفحة ثورة اصلاح التعليم المصرى لنهضة مصر علي الفيس بوك كتب أدمن الصفحة للمعلمين:
اذا كان راتبك يكفيك ... فلا تكن معنا يوم 31 مارس
اذا كنت تشعر بكرامتك داخل عملك ... فلا تكن معنا يوم 31 مارس
اذا كنت تشعر بتحسن فى تعليم اولادك ... فلا تكن معنا يوم 31 مارس
موعدنا 31 مارس
اعتصام امام مجلس الشعب
انا رايح عشان كل الحاجات دى وأنت ؟
أوعه تكون سلبى ... أوعه تفرط فى مستقبل ولادك
ثورة اصلاح التعليم المصرى لنهضة مصر
لا تركن ولا تتكاسل وطالب بحقك فالعامل فى البترول او الكهرباء أو قناة السويس بدون اى مؤهلات أعلى منك يا من تعلم الجميعكن معنا وطالب بحقك موعدنا 31مارس اعتصام المعلمين امام مجلس الشعب حتى استجابة المطالب (كادر حقيقى- تعيين المتعاقدين والمكافئة- اعادة تكليف خريجى كلية التربية-تغيير المناهج-تطهير الوزارة-عودة الدرجات الموقوفة للمعلمين...) افتكر ده اعتصام اعتصام اعتصام اعتصام اعتصام حتى تحقيق المطالب
ونشر أحد المتصفحين شعراً جاء فيه :
أوعوا حد يقولها تاني
ولاينطق مرة تانية بيها
اللي بيقول اصبر أناني
وممكن يكون عميل عاوز يشارك فى مهزلة ووهم التعليم
ولايعرف المعني الا اللي فيها
لو كان في يوم واحد يعاني
كان كره الكلمة ومعانيها
صبر تاني مش صابرين
إحنا صبرنا سنين وسنين
وإحنا أصحاب الخير ع الكل
وفي النهاية شحاتين
وأوعوا تقولوا أصحاب رسالة
أصل الكلمة دي اشتغاله
بسببها بقينا مش لاقيين
شوفوا بقي وبكل بساطة
معني الرسالة مش شحاتة
انتو فهمتوا المعني غلط
ياغرقانين في الشيكولاته
وانتوا بتاخدوا منها كويس
والبلد حلوة وخيرها كتير
وأما تيجي عند المدرس
البلد مش ناقصة تدمير
الهيئة . البنوك والبترول
الضرايب . الكهربا والاتصالات
الجيش . الشرطة والجامعات
في خير البلد غرقانين
عشان مش أصحاب رسالة
أما بقي المدرسين
دول بقي حالتهم حالة
ولازم يبقوا شحاتين
هو دا تمن الرسالة






المصدر
http://akhbaraltaalim.com/%D8%AD%D8%B5%D8%B1%D9%8A%D8%A2/10147-%D9%84%D9%80-%D8%A7%D9%84%D9%85%D8%B3%D8%AA%D9%82%D9%84%D8%A9-%D8%AA%D8%AC%D8%AA%D9%85%D8%B9-%D8%B9%D9%84%D9%8A-%D8%A7%D9%84%D9%81%D9%8A%D8%B3-%D9%84%D9%84%D8%AA%D8%AD%D8%B6%D9%8A%D8%B1-%D9%84%D8%AB%D9%88%D8%B1%D8%A9-%D8%A7%D9%84%D9%85%D8%B9%D9%84%D9%85%D9%8A%D9%86-%D9%86%D9%87%D8%A7%D9%8A%D8%A9-%D9%85%D8%A7%D8%B1%D8%B3