مواضيع مضحكة جدا

[هالة محمد 2]

بيقولك مرة فار ماشى مع خطيبته فى الغابة وفجاة لاقى الاسد
فحب يعمل راجل قدام خطيبته فراح للاسد قاله: انت يا حيوان
الاسد رد قاله: انت بتشتمنى انا ؟؟
رد الفار وقاله: ايوة بقلك انت
و مشى الفار وراح وصل خطيبته لبيتها
وهو راجع قابله الاسد قالوا : انت كنت بتشتمنى انا يا فار؟؟
قالوا: لا والله دا انت ملك الغابة هو حد يقدر يشتمك؟؟
أنا بس كنت بعمل شويتين كدا قدام البت .. انا اسف وهات راسك ابوسها
طلع الفار على راسوا عشان يبوسها فلقى خطيبتوا معديه
فقال للاسد: ادوس على دماغ امك دلوقتى؟؟؟
.................................................. .................................................. ....
مرة أربعة بلدياتنا راحوا فرح
الأول: نقط بخمسة جنيه و ضرب طلقة رصاص
الثانى:-نقط بعشرة جنيه و ضرب طلقتين
الثالث: نقط بخمستاشر جنيه و ضرب 3 طلقات
أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة
.................................................
مره واحد بيحلف بالطلاق كتير
ابوه ضربه وقاله هاتحلف بالطلاق تاني ؟
!! قال له: عليا الطلاق منا حالف بالطلاق تاني
.................................................. .................................................
مره اتنين داخلين محل جزم هو ومراته
فقال لصاحب المحل هتلها جزمه زحافي قالتله لا بكعب
قالها لا زحافي قالتله لا بكعب
فصاحب المحل زهق منهم قال للراجل ياعم هاتلها بكعب هو انت اللي بتلبس
قالوا ياعم انت مالك هو انت اللي بتضّرب
.................................................. .................................................. ........................
مرة واحد اشترى غسالة فول أوتوماتيك
مراته عزمت الجيران علشان يشوفوها حطت في الغسالة 20 كيلو غسيل
والغسالة يا عيني بتاخد بس 7 كيلو بس
وشغلتها والجيران باركولها وعزمتهم على كباية شاي
وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة
شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره