بورسعيد ايه بس..!!

**تسابيح** · #1 12-02-2012, 02:05 PM

بورسعيد ايه اللي انت جاي تقول عليها دي..!!
أنا معرفش ازاي شعب زي بتوع البوسعيدين دول يبقوا مصريين
مش عارفين المجزرة,,دول ناس ميعرفوش الإ القتل
شفتوا اللي عملوه في الاستاذ استغفر الله العظيم ,
لازم لازم مقاطعة للبورسعيدية ...لازم
هم مين بتوع بورسعيد دول أصلا...
ايه يعني أهالي بورسعيد اللي حاربوا 3 دول
فرنسا وانجلترا واسرائيل ايام العدوان الثلاثي!!
ايه يعني؟
مش مهم ..طبعا...
ولا ايه يعني حاربت الانجليز...ايه يعني ...!!
ولا حتي ايه يعني انها اسمها المدينةالباسلة
دا كله مش مهم صدقوني
ولا ايه يعني انها فيها ناس وربما يكون
معظمهم مش ليهم في الكورة أصلا...
مش مهم طبعا..احنا كدا هنختزلهم ونعمم عليهم اللي مش عجبوا
بئا كداا
بصوااا ..هو دا ايه واحد من بورسعيد ...
يبقي بلطجي ...ولا حتي 100
يبقي نعمم عليهم كلهم ...!!
بصراحة أنا جاي الضغط من الكورة أيام ماتش الجزائر ومصر بردو قامت الدنيا ومش قعدت وحرب كلامية ...قلنا وقتها اخواتنا ومش عارفة ايه ..أصلا يعني..
كمان بعض الناس كانت معذورة مع ان دا مش مبرر
بس ادينا بنقول...!!احنا مش اتعملنا مع الجزائريين قبل كدا..طيب..!!
نرجع لموضوع بورسعيد...يعني أنا مش فاهمة هو التعميم دا
حاجة بتجري في دمنا...!! عايز واحد بس يطلع لي أسرة كلها شبه بعض وعايشين في بيت واحد..!! مستحيل تلاقي..هتلاقي في كل بيت حد ملتزم أووي وحد ملتزم نص ونص وحد مفيش حد مرح وحد عبوس وحد هادي...
فإزاي ممكن نحكم ع مدينة كاملة أنها بلطجية وكداا...أكيد مينفعش
ودا ع أساس ان البلطجة مش بتحصل في مصر عموما ..!! مش فاهمة أنا
وبصراحة أنا زهلت لما قرأت ان فيه مساعدات بتوصل للبورسعيدية
وحصار عليهم ّ!!! ليه دا كله لمصلحة مين
دول اهلنا بردو..صدقوني بيشربوا من نفس الميه الملوثة اللي كلنا بنشرب منها...

كما قال
جلال عامر
رحمه الله

من الظالم الذى حول مدينة حاربت ثلاث دول من أجل الوطن إلى مدينة تحارب من أجل ثلاث نقاط