ما تنساش و انت نازل يوم 25

[gonejn]

الاخوة الاعزاء



الى كل اخواتنا اللى نازلين يوم 25
ما تنساش تاخد معاك شوية مندسين عشان يندسوا طبعا
و كام طفل برئ عشان يجيبوا البنزين لزوم الملوتوف الشىء لزوم الشئ
و ما تنساش ان الدنيا برد جدا فننزل متقلين و معانا عبايات بكباسات و تفضل تكون عاللحم
الجيش و الشرطة مش هيكونوا فى ميدان التحرير عشان كدة لازم ندور عليهم قدام الاماكن الحيوية عشان نعمل حسابنا و مانحتكش بيهم
ما ننساش شعار سلمية سلمية مع استثناء البنزين و العصيان و قناع فانديتا رمز الطهارة و النقاء
الهتافات المحترمة اياها و اللسان الحلو مفيش احسن منه
و لا قدر الله هنتخانق يبقى نتصل بالجزيرة و الفضائيات و نقولهم هنتخانق فين و الساعة كام عشان نوثق الاحداث
و يا ريت تجيبوا باعة جائلين عشان لو ملقيناش حد نضربه نفش غلنا فيهم كالعادة
و فى الاخر هو مين اللى هيدفع ؟؟؟؟؟؟؟؟؟؟









مش كل اللى نازل عاوز يكسر و يحرق بس ليه تديله الفرصة ليه ؟
ليه تخليه يهد فى بلدك ؟
هو عايز الزحمة عشان محدش ياخد باله
عايز تجمع عشان الاشاعات تبقى اسهل و العقل الجمعى هو اللى يبقى مسيطر مش المنطق و الكدب على ودنه
هو لسة فى حد بيصدق الفضائيات الكدابة و المحرضة ؟
انت ليه عايز تبقى عود حطب ؟
او عود قش ؟
يولعوا بيه مصر



عفوا انا مش عود قش