رسالة من مقاتل مصري لشعب مصر العظيم

[raf11111]

رسالة من مقاتل مصري لشعب مصر العظيم
رسالة من مقاتل بجيش مصر :
بسم الله والصلاة والسلام على رسول الله


اولا وقبل كل شيء اتقدم بقبلاتي على رأس وعلي يد كل أم وكل اخت مصرية محترمة لما تأذت منه من رؤيته في فيديوهات ومشاهد لم تظهر الا رد فعــــل الجيش( في 5 دقائق )على استـــفــــــــــزاز( 7 شهور) من جميع الطوائف والفئات امام المجلس .....اسف لكي يا امي ويا اختي المصرية ... ادعوكي ياامي ان تسألي اي سيدة تعمل بالجيش المصري عن مدى احترامنا وتقديرنا للمرأه وحفاظنا عليها.
.لكني اوجه رسالتي..الى كل من يتهم رجال الجيش المصرى بالخيانة والعمالة وانعدام الوطنية:......... أحب أقول للناس اللى قالت على رجال الجيش ،، إنهم خنازير و يهود و كفرة و و و .. إن احنا عندما ضيعنا أحلى سنين عمرنا بنتدرب و يطلع عينينا وحضراتكم ايها الثوار تستمتعوا بشبابكم بل وتبحثوا عن مايعفيكم من الخدمة بالجيش ..و لما كان كل عام يستشهد اي منا فى التدريب (رحم الله كل شهدائنا ) ماعملناش افلام عن شهداءنا لأننا واثقين من صدق كلمة شهيد بل ونحسدهم على ما سينعمون به في الجنة ،،,,,, كنت وقتها حضرتك ايها الثائر العظيم أكبر همك هاتقضى ايامك الحلوة ازاىو فين !!
احنا لما كنا ننظر لمن حولنا ونجد ان مانتقاضاه لايوازي مانعانيه من مشقة وماندفعه من جيوبنا لكي نشتري حتى مياه الشرب طمعا في الحفاظ على مستقبل صحتنا ومع ذلك نحمد الله وننام راضيين علشان خاطر البلد دى ولم ولن نفكر في المطالبة مثل مايحدث الان في جميع فئات المجتمع ،كنتم حضراتكم ايها الثوار قاعدين ورا مكاتب مكيفة واحنا بنقضى أيام وليالى صيف أو شتا و كنا بنخدم فى اماكن عمركوا ما تتخيلوا انكوا تقعدوا فيها 5 دقائق ،، كنت انتوا قاعدين تحت البطاطين في احضان امهاتكم واولادكم ...... !! احنا مش احسن من حد ولا نتفضل ع البلد بجميل او معروف لكن ياريت ما تجوش تشككوا دلوقتى فى وطنيتنا لأن انتوا معرفتوش معنى الوطنية مثلنا .
لما نبقى سهرانين طول الليالي بنحمي مقدسات البلد دي ومانعرفش حاجه عن بيوتنا ومنا من توفت امه او ابوه وفضل البقاء بمكانه.. وكل يوم الصبح يطلع علينا اطفال وسيدات مالهاش راجل يحكمها ويقولها ( ماتباتيش في الشارع وتستفزي الجيش اللي بيحمينا.... ) وشباب بيقولوا على نفسهم ثوار لكنهم في حقيقة الامر فئة مش عايزة تشتغل ولاتبني البلد ... تشتم فينا وتهينا بأسوأ الالفاظ ونبقى مستغربين ونقول لنفسنا هو ده المقابل من اهلنا احنا ماعملناش جميل ننتظر عليه شكر لكن ايضا لانستحق الأهانة وبرده ماكناش بنرد حتى باللفظ...وبرده كنا ومازلنا بنستحمل ونقول ربنا هايهدي الحال .. دا احنا لوكنا بنحمي شعب يهودي كانوا عاملونا احسن من كده ......وكل الي بيحصل ده طبعا عشان الانتخابات فضحت المرتزقة والشباب التافه اللي بيحاول يعمل لنفسه قيمة بالكلام في السياسة لأنه فاشل في اي حاجة تانية يبني بيها بلده واظهرت عدم رضاء الناس.........م الاخر اود ان اهنئ 6 ابريل على نجاحهم في توصيلنا لمرحلة الانفجار وايقاعنا فى هذا الكمين المدبر
الشباب المحترم بيشتغل ويحترم نفسه وبيبني بلده.... انا احترم شاب حرفي في ورشته اكثر من طبيب او مهندس بيعتصم او يدعم الاعتصامات الغير مبرره ويدعي انه سلمي ..ازاي سلمي ويمنع رئيس وزراء من دخول مكتبه.. ؟؟؟؟
واخيرا : احب اطمن كل مصري شريف ان الجيش المصري في رباط الى يوم الدين وعمر جيش مصر مانقسم ولاهاينقسم وسنتحمل الاهانة لنا ولجنودنا وقادتنا وللعلم احنا بردة بنتجرح من اهانة اي شخص في المجلس العسكري وتؤذينا كلمة العسكر اللي الشعب بيقولها من زمان اوي من قبل اي حاجه في منتهى قلة الذوق وعدم مراعاة لمشاعرنا سنصبر ونتحمل شعبنا وأهلنا حتى الوصول لبر الامان .. ونحن نثق في قادتنا بالمجلس العسكري و احب احذر وانبه اي شخص مش عاجبه بلدنا وجيشها... اما ان يحترم نفسه ويعيش محترم ومايخربهاش.. او يهاجر منها وينضف البلد ويريحنا من امثاله ..بس مش هايلاقي بلد تانية هاتستحمله وتسمح له بان يهين جيشها او يرميهم بالمولتوف اويتعدى ويحرق مبانيها او يمنع رئيس وزراء من دخول مكتبه ..........الجيش المصري والمجلس العسكري والشرطة المصرية ( إيد واحدة ) اه (ايد واحدة ) تحت امر شعب مصر المحترم ...المحترم ...والمحترم فقط .
..باكررها تاني ... كلنا خدامين شعب مصر... المحترمين وليس البلطجية والسفلة
واؤكد اننا لانمن على احد .. دا حق هذا الشعب العظيم علينا .
رجــــــــاء مــــن يتفــــق معي نشر الرسالة ومــــن يخالفني له كامــــل احتــــرامي

ده تعليق عجبني لواحد من افراد الجيش المحترم
وعلي فكره كل التعليقات كانت بتحترمه وتاكد علي كلامه
وكان التعليق ده علي موضوع من بتوع سته ابليس