ضع حلمك او رؤيتك وباذن الله ستجد تأويله هنا

[aleman]

المشاركة الأصلية كتبت بواسطة نور البدور

السلام عليكم ورحمة الله وبركاته إزي حضرتك يا أشتاذه إيمان ؛ عاملة إيه يا رب تكوني بخير ويجزيكي خير عنا جميعا
شوفي يا سيتي أنا من كام يوم حلمت إني اتنقلت من مدرستي وعمالة ألم في حاجتي علشان أمشي من المدرسة وبيني وبينك محطتش الحلم في دماغي
.. النهاردة بقه حلمت إن جالي قرار النقل أنا وصحبتي الأنتيم ومدرس اسمه محمد فوزي مع إن معندناش مدرس بالاسم ده في المدرسة والنقل ده هيكون في بحر البقر وهيكون عليه زيادة في المرتب .. وانا لما عرفت قعدت أعيط في المنام لأن مش حابه أفارق صحبتي دي ...
--- مع العلم إني فكرة النقل دي كانت عندي من زمان وشيلتها من دماغي بقالي كتييييييييييييير لكن معرفش إيه الحكاية.

تفسيرى المتواضع والله اعلم:
قد يكون الحلم ده ناتج عن العقل الباطن
او سمعتى ان حد اتنقل عن قريب مش شرط من المدرسة وانما من منزل لاخر او صديقة تزوجت وتغيرت حياتها من العذوبية للزواج فعقلك الباطن ترجم الكلام ده لقرار نقل من المدرسة
وقد يجيلك فعلا قرار نقل اما من المدرسة او ارتباط وزواج وربنا بيوضحلك بالحلم ده ان فيه خير كبير ليكى رغم انك هتبقى معترضة
او هيحصل سوء فهم بينك وبين صديقة عزيزة عليكى وربنا بيقولك لاتحزنى
والله اعلم