الى كل من يهجمون فضيلة الامام

[مصطفى قاعود]

لما تولى فضيله الامام أمر المشيخه كانت المشيخه تعج بالمستشارين هؤلاء المستشارون كانوا يتقاضون اغلب ميزانيه الازهر والمدرسون فى المعاهد ياكلو الطين مش مهم وقام فضيله الامام بانهاء تعاقدات هؤلاء المستشارين واهتم بشؤن المدرسين بس من الصعب انك تغير كل حاجه فى يوم وليله دى منظومه كبيره متراميه الاطراف فقام هؤلاء المنتهيه عقودهم باثاره اتباعهم لان لهم اتباع وذيول فى المناطق بتعطيل الاعمال وغيره بغرض تشويه صوره الامام الاكبر
الناس القديمه اللى زينا تعرف ازاى الناس بتترشح للكنترول ومين اللى بيروح الكنترول ومين اللى بيروح القطاع ومين اللى بيروح المشيخه كله ده خلاص انتهى فباب الرشوه والمحسوبيه اتقفل فلازم تقوم ثوره على فضيله الامام وحرب شعواء ولكن الغالبيه العظمى من طبقه المعلمين الكادحين تؤيد وتساند فضيله الامام وهى وراؤه دائما فى كل قراراته
وعلى الاخوه الشباب البعد عن الاستفزاز ومتخليش واحد يضحك عليك ويخليك تنساق وراءه وده مش كويس بالنسبه لصوره الازهر وتشويه لها
مجرد سؤال واحد بس هل يجرؤ مسيحى واحد على التهجم على شخص البابا شنوده؟ اعتقد الرد واضح ومفهوم
كل واحد له مسؤليه محدده المسؤل عن التثبيت التنظيم والاداره والماليه ان كان على الشيخ عايز كل المسلمين يتعيينوا بس دا شغل غيره مش شغله مسؤلياته اكبر من ذلك بكثير انتبهوا يا ساده يرحمكم الله وتقبلوا تحياتى والى الملتقى