بحبها قوي قوي بس عايزين ب50 ألف جنيه دهب

[الرندى]

البنت اللي كانت أول صدفة في حياتي أول واحدة يميل لها قلبي وتستولى على أحاسيسي
البنت دي كنت مقابلها بالصدفة من غير موعد ولا ميعاد البنت دي هي اللي كنت أحلم بيها
وأنا صاحي وأنا نايم. ياما تمنيت تكون زوجتي ياما تمنيت انها تكون أم عيالي البنت دي هي اللي قلت عليها دي الزوجة الصالحة بالنسبى لي هي الوحيدة في كل البنات اللي شفتهم -في الشارع وفي العربيات وفي الاماكن العامة وفي القرايب- هي الوحيدة اللي حسيت انها مناسبة لي وقلت أنا هبقى سعيد معاها
انتظرتها كتير الغاية ماتخلص تعليمها الجامعي انتظرتها لما تخلص الخدمة العامة المهم كنت في أحد الأيام نايم
ورحت تقدمت لأبوها فالمهم البنت معجبة بي وطايرة بي في السما المهم أبوها قال عايز بـ50 ألف جنيه دهب وأنا بصراحة مش معاي المهم كنت عطشان فقمت أشرب لقيت نفسي صاحي بس تألمت كثيرا لهذا الحلم
يلا قولي لو انت كنت زيي وكنت بتحبها ورحت لأبوها وطلب منك ب50 أو60أو أكتر دهب دا غير طبعا الشقة اللي انت هتجهزها وغير فرشة الشقة وغير مصاريف الفرح قولي هتتصرف ازااااااي ؟؟
كمان بالنسبة للبنات لو جالك العريس المناسب اللي حسيتي انه هو ده اللي هترتاحي معاه وأبوك طلب منه بـ50 أو 60 أو أكتر دهب وهو مش معاه ازاي هتتصرفي مع اللي بتحبيه؟؟