تجمع للموهوبين .. شاركنا محتاجين موهبتك .. ! موضوع مهم مش هياخد منك دقيقة !!!

[Analyzer.Mn3m55]

اولا اتفاااااق : ياريت نقرأ الموضوع للاخر بالتفصيل لانه هيفرق معانا بجد

صباااح الخير يا جمااااااعه ( لو بتقرأ الموضوع الصبح ) .. مسااااء الخير ( لو بتقرأ الموضوع بالليل )
ايه رأيكم فى العنوان بقى انا قولت اختار عنوان يجذب شوية كده يعنى بس هو فعلا زى ما انا كاتب بالظبط ..
الصراحه يا جمااعه انا ياما بلاقى ناس دخلت كليات سواء بتحبها او مبتحبهاش بس عندها مواااهب تانيه كتير و محترفه فيها .. و دى بتكون نعمه من عند الواحد ربنا خلاها فيه هو بس .. عشان يتميز عن غيره
على سبيل المثال قريبى طبيب بس عاشق للسياسه و كان نفسه فى كلية حقوق .. اختى طبيبة بس كان نفسها تطلع مذيعه و تدخل اعلااااااااااام ..بس طبعا عارفين اجابة السؤال ده ..
هما ليه مدخلوش اللى بيحبووه ؟؟؟

......................................
معلش خليك معايا للاخر ...

خدوا الحكاية دى ...
...............................

مبروك يا ام احمد .. احمد عمل ايه فى الثانوية العامة .. ياختى جاب 99 % طب و دى حاجة حلوه ولا وحشه ! اقولك يا ام احمد دخلية معهد سنتين زى اخوووه و اهو محدش بيلاقى شغل فى الاخر هو يفتحله محل موبايلات و يكسب دهب و اجوزه بنتى .. و هنا يدخل الحاج ابو احمد : يا حاجة ده الواد من الاوائل و هدخله الطب .. ما شاء الله لازم يكشفلنا ببلاش ولا ايه يا حماااده .. حماده الغلبان : طبعا يا حاجة بس ربنا ميجبش مرض
احمد الغلبان واخوه الصغير : عارف ياض يا مجمد انا بموت فى الرسم جداا و نفسى ادخل كلية الفنون و اطلع فنان او مصمم زى ما انا بحب بس اعمل ايه ف ابوووك .. هيدخلنى الطب غصب عنى و انا معرفش عنه حاجة ده ولا بحبه .. و ياخى الدكااااااتره مليين البلد انما الفنانين معدودييين و بعدين ده طموحى اصلا انت عيل لمض يا محمد ليه النهارده .. محمد : يا جدع هو انا نطقت اصلا

...................................

احمد قدم فى الطب و بدأ يذاكر و ينجح فى اولى و تانيه شال ماده طلع بيها تالته شال مادتين على الماده.. هوبا هتعيد السنه يا معلم طبعا مصدوم و اهله فى قمة الصدمه بس هو فرحان لانه عاوز و مصر انه يحول لكليتة اللى بيحبها و اللى نفسه فيها من زمان و اقنع اهله انه لو كمل فى الطب هيضيع اكتر و مش هيعدى من رابعه حتى و هى لسه لحد سنه 6 ( 7 دى امتياز و تدريب مش دراسه ) احمد حووووول كلية الفنون وكل سنه اول الدفعه و دلوقتى معييييد فيها .. احسبها صح تعيشها صح

و للعلم القصه دى حقيقية .. احمد ده جاارى و ما شاء الله عليه دلوقتى حاجة تانيه خالص

انا طوووووولت عليكم

مجمل الكلام .. مش معنى كلامى ان كل واحد دخل كلية مش بيحبها هيفشل فيها لا خالص ..
بس اقصد ان كل واحد ليه موهبه خاصه بعيدا عن كليته .. ياريت تعرفنا بيهاااااا ؟؟؟
و انا هبدأ انا اولى تجارة خارجية انجلش BIS
و بحب الرسم جدااا و ياما رسمت بس الحمد لله بركنهم جمب اخواتهم و بشتغل معظم لغات البرمجه Java .. c# .. c++ .. basic
و تصميم على maya .. cinema 4d .. photoshop cs5

انا كل هدفى من الموضوع ده نجمع اكتر عدد مننا و ليه مواهب و نحاول ننفع بعض او نستفيد من بعض فى كل حاجة
و نعمل اتحااااد لينا على مستوى الجمهورية و اكيد هيبقى لينا صوت و طموح كشباب مصر اللى الجاى و اللى هيمسك البلد دى من كل جوانبها ..
و بغض النظر عن الاهدااااف المحدوده دلوقتى .. لما نكتر و نفكر كلنا مع بعض افكارنا هتكبر و ابداعنا هيزيد ..
ياريت تشاااااركوووووونى .. مستنييييكم ..