إلا صحيح ....... بالمناسبة !!! (حلم أتمنى تحقيقه)

[صوت العقل]

اولا شكرا على الموضوع ..كلمات حضرتك بسيطة
لكن الفكرة جميلة جزاك الله خيرااااااااااااااا..

متهيالى حرام نظلم المعلم ونعمم ولازم نفتكر ان مش كل المدرسين
داخلوا فى دائرة الدروس الخصوصية ..ولازم نفهم ان مراكز الدروس دى
موجودة بس فى المحافظات الكبيرة ..

المشاركة الأصلية كتبت بواسطة marmora alamora

اولا موضوع جميل

اتمنى ان ده يحصل ويكون المدرس همه على الطلبه مش مركز اهتمامه على الدروس الخصوصيه

متهيالى معظم المدرسين همهم على الطلبة .. ما هما فى الاول اولياء امور زى باقى الناس

وعلى فكرة الطالب هو اللى تغيير .. مش بقا يهتم بالمعلم واحترامه زى زمان ..

المشاركة الأصلية كتبت بواسطة BaNZeR

وهو انا كطالب غاوي اقضي نهاري في المدرسة وليلي في الدروس
من حبي في الدراسة مثلا ؟

انه امر فرضه المعلم على الطالب اولاً وانعكس على بقية المعلمين

طبعا فيه نوعية من الطلاب غاوية كده .. وتحب تظهر انها تعبانة فى الدراسة امام الاهل ..
ولو حقيقى فيه حب للدراسة مهما يضغط المعلم لن يوافقه الطالب لانه اساسا لن يحتاج
اذا التزم بالمدرسة .. كمان اعتقد ان الطالب دلوقتى عارف حقوقه كويس جداا ويقدر يواجه المعلم
ويرفض الدروس الخصوصية ده اصلا لو حابب يرفض .. المشكلة اننا دايما بنعمم ليس كل المعلمين
سيئين ولا يؤدوا ما يطلب منهم بل على العكس فيه كتير منهم مازال يرضى ربه وضميره ويراعى الطلاب كابنائه لكن للاسف لم نتعود التحدث على النماذج المشرفة ..

هل حقيقى حضرتك مصدق ان ممكن المعلم يفرض شئ على الطالب !!
دا حاليا الطالب حقوقه هو وولى الامر اكتر من حقوق المعلم

المشاركة الأصلية كتبت بواسطة الأستاذة / أم أمل

كلام جميل لكن الحقيقة غير كده

الطالب داخل المدرسة غدا وهو مخلص ثلث المنهج على الاقل فى الدروس

وجاى المدرسة عشان نسبة الغياب فقط

ومش عاوز حصص من اساسه ده بالنسبه لثانوى

طبعا كلام حضرتك سليم ده وضع معظم الطلبة فى ثانوى واعدادى كمان ..
طبعا بعض الاراء تفتقد للخبرة لكن دايما ما اسهل الكلام ..