اتصال بالمشيخة " نقلا عن أحد الزملاء" بالجبهة

[أبو على أسامة]

أيه الزملاء الافاضل لقد قمت اليوم بالاتصال بالمشيخه للتحدث مع اللواء ابراهيم صادق وذالك لتحديد موعد للقاء فضيلة الامام الاكبر وذالك بعد تحدثى مع الشيخ محمود عبد الحفيظ وكيل الوزاره والذى قال لى لو مش مصدق كلامى اذهب للمشيخه واسمع من الامام فقلت له لقد منعت انا وزملائى من مقابلة الامام فقال اذهب للواء ابراهيم وقل له انا عايز اقابل الشيخ فقررت الاتصال باللواء ابراهيم بدل السفر والرجوع صفر اليدين كما ...حدث سابقا وبالفعل اتصلت امس واجابنى المتحدث ان اللواء ابراهيم فى اجتماع مع رئيس الوزراء التركى فقلت له ساتصل غدا وقمت اليوم بالاتصال ورد على المتحدث بان اللواء ابراهيم فى اجتماع فقلت له امبارح كان مع رءيس وزراء تركيا واليوم فى اجتماع هو مفيش حد عايز يرد علينا ولا ايه فقال هو انت معاك معاد سابق انت عايز ايه فقلت له اريد ان اقف على الجديد فى التثبيت فقال احنا مالنا متروح التنظيم والاداره فقلت له ازاى يعنى هو انا بشتغل عند التنظيم والاداره فقال احنا بعتنا ورقكم وهما حرين يثبتوكو ميثبتكوش هما حرين اللى بيجلنا من التنظيم والاداره بنعلنوه بيجلنا 30 الف بنقول 30 الف فقلت له 30 الف ايه اللى بتتكلم عليها لا يوجد متعاقد بالازهر تم تثبيته حتى الان فقال التنظيم والاداره مش فاضيين لانهم بيثبتو بتوع الحصه فى التربيه والتعليم فقلت له يعنى بتوع الحصه يتثبتو ونحن الاولى بالتثبيت نظل بعقود وبعد شد وجزب قال لى متمشى انت حد ماسك فيك فقلت له يوم السبت ان شاء الله هتلاقى المعاهد فاضيه وابقى شغلوها فقال انتو عايزين تولعو البلد فمن هو الذى يقوم بتوليع البلد هل نحن ام هم والله هذا ماحدث ولكم الحكم والرد على المسؤلين الذين يعاملوننا على اننا لا قيمة لنا فبكل سهوله يقول مش عاجبك امشى انت حد ماسك فيك