موضوع بسيط وعميق ( خلل في نظامنا المعيشي )

[pop55]

أنا عارف ان الموضوع ده هيزعل ناس كتيره
أما نيجي نبص كده علي لاعيبة الكوره ولا المدربين ( المنظومه عامة )
نلاقي مصاريف بالهبل بتتصرف عليهم
أقل لاعيب في الممتاز بياخدله ييجي200 ألف وطبعا المبلغ ده بيزيد مع بعض اللاعيبه لأضعاف الأضعاف
ونلاقي مدربين أمثال جوزيه ( 700 ألف شهريا )-شحاته ( 250 ألف شهريا )
لأ وجوزيه جايب قرايبه كمان يشتغلوا معاه يعني مش راضي تشغل حتي مصريين

في المقابل نيجي نبص لواحد قعد يحرت في صحته لحد ما يطلع أول زمايله ويدخل ( طب ) مثلا ويتخرج ياخد كام ؟..............
هيطلع يتصدم ب 700 جنيه عمي دى لو قبضهم

أو مدرس مرتبه من الآخر 400 جنية أو أقل .

نيجي بقي نشوف إحنا كشعب هنستفيد من مين أكتر
الطبيب والمدرس ولا المدرب أو لاعيب الكوره ؟؟؟؟

1. واحد هييجي يقولي أنت بتدفع حاجه من جيبك

أقوله ده أنا بدفع كل اللي في جيبي
أما نعرف أن الأسعار العاليه دي في الأنديه الحكوميه منتشره جدا
وأما أعرف أن الجيش والشرطه والبترول اللي بياخدوا فلوسي عشان يوفرولي خدمات بيصرفوها علي الكوره

يبقي من حقي أقولهم ستوووووووووووووووب أنا عايز فلوسي

1. واحد تاني يقولي ماهو كده في العالم كله

أقوله خلاص خليهم يروحوا برا للعالم ده أما نعرف نصلح البلد الأول نبقي نصرف علي الرفاهيه

آسف لو الموضوع مخالف بس دي حاجه تضايق جدا
ياريت اللي يرد يقرأ الموضوع الأول ولو انه طويل فحت
ولو فيه طريقه الواحد يكسب زيهم كده ياريت تنوروني

(أنا أخوكم محمد ) مدرس بمحافظة الإسماعيلية .