ليت حزنى مثل حزن الناس....

[مغترب وبس]

المشاركة الأصلية كتبت بواسطة ملك اليمين

بجد ياجماعة انا محتاجة مساعدتكوا
انا فعلا مش بعرف اتكلم افضفض
حاسة انى هتخنق
اعمل اية بجد؟؟؟؟؟؟؟؟؟؟؟؟؟

ملك الفضفضة ضرورية جدا علشان حسب ما قريت مؤخرا ان الكبت بداخل النفس يؤدي الى ضمور في خلايا الدماغ مما يؤدي الي مرض الزهايمر بس متخافيش انت لسه صغيرة بس ده بيتراكم فخلي بالك على نفسك
ده من الناحية الطبية ....

من ناحية اخرى حاولي تدوري على حد تثقي فيه احكيلو ويحكيلك واحدة تحسي فعلا انها قريبة منك شبهك في تفكيرك علشان متتعبوش في حل المشاكل لو فيه مشكلة بتواجه واحدة فيكو وابحثي عنها بجد واجتهاد بجد ضروري اوي ومتقوليش مفيش فيه بس محتاج منك انك تدوري ...

هنقول لحد ما تلاقي تعملي ايه انت اهو بتكتبي كويس بصي يا ملك حاليا بما انك بتكتبي لمشاعرك فكتبي كل الي في نفسك مش شرط توريه لحد خليه في كراستك في مكتبك مش مهم تظبطيه مش مهم تزوقيه ولا يكون موزون او كده انت حاليا مش بتكتبي شعر انك دلوقتي بتكلمي مع صحبتك ( الورقة والقلم ) اكتبيي كل الي في نفسك ارسمي الرسم بيريح اوي كمان ...

الكتابة الكتير خلي بالك انت من نفسك هتحسي ازاي تظبطي الكلام والوزن والمعاني بس احنا بنحل مشكلة مشكلة الاول ونحط اولويات واول الاولويات هيا انك تفضفضي

وربنا معاكي ويوفقك ويباركلك يا ملك اليمين والى الامام دائما