اللى داخل امتحان الكادر 26/7/2011 يدخل هنا

[مشتاقه لمصر]

المشاركة الأصلية كتبت بواسطة mahmoud1011

الأخت ( مشتاقة لمصر ) أنا بجد حزين قوي للي حصل ليكو النهاردة ده.. بس ولا يهمك .. انتي أخدتي بالاسباب وتعبتي علشان اليوم ده.. لكن مفيش فايدة في الوزارة الفاشلة بتاعتنا.. ومفهمنا أنهم عاملين حساب كل حاجة وإنهم كمان متعاقدين مع إحدى شركات تكنولوجيا المعلومات وبتاع وكله تمام آخر حاجة.. وهما ولا عارفين أي حاجة.. بيجربوا وزي ما تيجي وهما مش مستعدين

معلهش انا عرفت انك ما شفتيش غير أقل من نص الاسئلة ومقدر حرقة الدم والأعصاب اللي حسيتوا بيها والوقت بيجري وانتوا مش قادرين تعملوا حاجة.. بس كنا عاوزين نعرف منك الأسئلة كدة سمك لبن تمر هندي وإلا كل فرع بينزل أسئلته مع بعضه وتاني حاجة الأسئلة كلها جديدة والا من الحاجات اللي احنا ذاكرناها ومققنا عنينا عليها والا إيه ؟؟؟؟؟؟؟؟؟؟؟؟

{الأكاديمية ستسمح للمعلمين الذين تعطلوا اليوم بإعادة الاختبار خلال الـ9 أيام المقبلة}

حرام كل المجهود ده يروح كده واللي افسد حاجة يصلحها.. عاوزينك تروحي بكرة ضروري المديرية وتسألي عن إعادة الامتحان لأن المشكلة دي عامة وبإذن الله أكيد في إعادة وابقي طمنينا ضروري الله يخليكي

اشكرك يا استاذ محمود
على السؤال
وربن يجزيك خير
واكيد ان شاء الله هروح المديريه بكرة واعرف الموضوع
فعلا انا مش هعدى الموضوع ده على الوزاره
الوزير ده لازم يتشااااااااااااااال
انا لا بتاعت مظاهرات ولا اعتصامات
بس بجد انهارده لولا الاجهاد انا كنت روحت على التحرير اقصد ميدان الممر اللى موجود عندنا فى الاسماعيليه
واللى كنت بعدى عليه واستغرب الناس دى قاعده معتصمه لييييييييييييه؟؟؟
والمدرسات كلهم كانو معايه عايزين نعمل اى حاجه فى الوزارة دى
اول مره اجد الاجماع فى الرأى لهذا الحد بس الصحه
مقدرناش من الاجهاد والتعب من الساعه 9 ص للساعه 3
فى جو حرررررررررر وصيااااااام
وحسبنا الله ونعمه الوكيل