توبيك خاص بطلاب السن المنيا بسسسس

[بسمة2011]

♥السلام عليكم ورحة الله وبركاته ♥
ايه الاخبار...؟

وانا بدور عالنت ع حاجات لكية السن المنيا لقيت
لقيت التوبيك ده فجبته وانا يدوبك نقلته ليكوا بس (منقووول)
اهون

•••••

1. انا هدردش معاكم شويه عن ألسن المنيا ،
   وهحكيلكم وأقولكم عن كل حاجه وأى حاجه تحبوا أنكم تعرفوها عن ألسن المنيا
   ، زى ما أنتو عارفين أن فى مصر مفيش غير ألسن عين شمس والمنيا وبس
   ، وبكده بيبقى أغلب طلبه ألسن المنيا مغتربين ،
   بس اللى بيميز ألسن المنيا عن عين شمس .. أن أعداد الطلبه فى المنيا قليل أوى بالنسبه لآلسن عين شمس
   ، متهيألى مثلاً فرقه زى 3 ألمانى فى ألسن المنيا عددهم تقريبا 100 بس ده مقارنه بألسن عين شمس الميه دول ولا حاجه طبعاً ،
   وبما ان أعداد الطلبه قليله لحد ما بالنسبه لآلسن عين شمس فبالتالى أقسام الكليه برضه مش زى ألسن عين شمس ، يعنى فى ألسن المنيا موجود 5 أقسام للغات همه أنجليزى وألمانى وأسبانى وفرنسى وأيطالى بس ،
   وبيكون موجود لغه أولى وتانيه طبعاً زى مانت عايز ،
   وممكن للطلبه اللى عايزه تحول لالسن عين شمس لآزم تنجح صافى ومتبقاش مدبلره طبعاً لآن النجاح شرط أساسى للتحويل والتحويل بيبقى فى أول وتانى سنه بس .....
   
   عميد الكليه أسمه السيد سيد سهيم وده عميد يشهد له بالكفاءه ، انا شخصياً بحترمه ، والساده الوكلاء مش عارفهم جد ، انا أعرف مدام حربيه مدير رعايه الطلبه بالكليه وكام واحد من اللى فى رعايه الشباب زى أ / أشرف وأ / طارق وكمان أعرف حرس الكليه عم محمد وعم رجب حبيبى قلبى ....
   
   الكليه مكونه من
   1- مبنى كامل 5 أدوار مجهز باسانسير ومعامل لغات وكمبيوتر وقاعات السكاشن ومكتبه للكليه وحمامات وكله تمام زى مانت عايز مش هتلاقى مشاكل ،
   2- الدور الآرضى كامل من مبنى كليه الفنون الجميله كله قاعات سكاشن ،
   3- مدرج خاص بكليه الآلسن يسع لحوالى 900 طالب والمدرج موجود فى مبنى كبير من أصل 4 مدرجات للمحاضرات والمدرجات هى :
   مدرج أ : مخصص لكليه التربيه النوعيه
   مدرج ب : مخصص لكليه الآلسن
   مدرج ج : مخصص لكليه التربيه الرياضيه
   مدرج ج : مخصص لكليه الطب
   
   يتوسط هذه المبانى المخصصه لكليه الالسن تمثال لرفاعه الطهطاوى مؤسس مدرسه الآلسن موجود فى ساحه خضراء كبيره وأيضا يوجد ساحه كبيره مخصصه للسيارات وعاده ما تكون هذه المنطقه مليئه بطلبه الكليه نظراً لكونها منطقه ذات أشجار حيث يستظلوا بظلها ويجلسوا على السيارات الموجوده ، بالآضافه لوجود كافتيريا كليه الآلسن .
   
   لكليه الآلسن منتدى أسمه منتدى ألسناوى

بسسسس
هو ده