طب بشرى صعبه يا دكتورز؟؟؟

[عاشقة الفردوس الاعلى]

الصراحه الصراحه

الكلية مش صعبه والله
كل كليه هتلاقى فيها الحاجات السهلة والحاجات الصعبه .....كلية الطب يمكن علشان الكلية طوييييييييييييييييلة والامتحانات فى اخر كام سنة مش بتكون مع اصحابك فى الكليات التانية يعنى بيكونوا خلصوا امتحانات وانت لسه بتذاكر
واول سنة الامر بيكون صعب شوية على ما بتاخد على جو الكلية وعلى ما بتتعود على الانجلش والمصطلحات الطبية
تانى سنة زى اولى ..تالته عاوزة مجهود حبتين ......رابعة سهلة بس لازم تذاكر ......اما تخلص اولى بس ان شاء الله نبقى ندور على بقية السنين
اوقات بتيجى لحظات ضعف ولكن افتكر دايما هدفك وحطه امام عينيك
انا دخلت طب لييييييييييييييييه؟؟؟؟؟؟؟؟؟؟؟؟؟؟؟
يمكن ما يكونشى ليك هدف فى البداية بس لازم تحط هدف علشان ده هو اللى مصبرنى بصراحه وهو ان ربنا اختارك فى المجال ده علشان مهمه جميلة وهى تخفيف الام الناس ونفع الاسلام والمسلمين وكفاية انك تكون سبب فى تخيف الم انسان وتسمع دعاء حلو كده من المريض .....والله هى مهنه جميلة جدا بس هنتعب شوية فى البداية معلشى هنستحمل شوية
وانا اللى اعرفه انها اسهل من صيدلة وصدقنى اى حد هيدخل اى كلية هيقولك دى صعبة ومش عارفه ايه بس والله كل شئ بالمذاكره هيكون كويس باذن الله