المعادلة الصعبة (( علوم / تجارة انجلش ))

[scrubs]

السلام عليكم

حبيت اعلم مقارنة ما بين علوم وتجارة انجلش
لأن معظم اللى يقدر يدخل علوم يقدر يدخل تجارة انجلش

كلية علوم

اسم على مسمى ولكن بلا اى حقوق فى مصر
خريج علوم شخص درس تخصص علمى محترم ودرس دراسة اكاديمية عملية عالية جداً
ولكن اين هى فرصة العمل ؟؟ فين هى مراكز البحوث اللى تتبنى العقول ؟؟
الكلام ده مش قاعده عامة بس ديه حقيقة مأساه كثيرين من خريجى علوم الذين يضطرون الى القبول بمجالات عمل مختلفة تماما
عن مجال الدراسة .... لكى الله يا علوم !!!!

تجارة انجلش

لو جينا نلقى نظرة على كلية تجارة انجلش واللى تمنح خريجنها مستقبل باهر فى مجال العمل وفرص عمل كثيرة
وتجعل الشركات حريصة على تعيينك بها هنلاقى انها فرصة قيمة فعلاً لأى شخص يلتحق بها
وتجارة انجلش تُعتبر من الكليات العملية لأن فيها غياب وحضور وامتحانات ميد تيرم وكويزات وسكاشن ومحاضرات ودراسة كلها باللغة الانجليزية ففعلا كلية محتاجة مجهود ......

علوم ولا تجارة انجلش معادلة صعبة بالنسبة لأى طالب بيختار رغباته
ولكن لو جيت سألت اى حد مش فى ثانوية عامه (( وش )) هيقولك اوعى تفرط فيها ومستقبلها كويس جدا جدا

بس الطالب مش بيفكر كده (( اللى هو انا وانت وانتى ))

عارف بيفكر فى ايه ؟؟

بيفكر فى حلم حياته اللى كان كل ما بيزهق من المذاكرة يعد يسرح فيه و اد ايه هو مستنى اللحظة اللى يشوف حلمه بيتحقق ادامه

بس لو بصينا للموضوع من منظور عملى وواقعى ومنطقى يبقى الاختيار هيبقى تجارة e

وارجع واقول هى عملية نسبية بس المهم انت بتسمع اراء الناس اللى حوليك
وفى الاخر انت اللى بترتب رغباتك بأيديك وبأرادتك ولازم تتحمل نتيجة الاختيار اللى هتلاقيها بعد التخرج
سواء بالموجب او بالسالب

دلوقتى وانت بتقرأ الموضوع انت فى ايديك الاختيار وعلى فكره ده مش هزار ده مستقبلك انت ولازم تاخد قرار
والاهم انك تتحمل النتيجة (( صحيح محدش يعرف الخير فين )) بس انت بتاخد بالأسباب

مخبيش عليكوا هى معادلة صعبة اوى واختيار صعب اوى ولكن لا بد من قرار حاسم
اتمنى ان ربنا يوفق كل واحد فى اختياره وياريت اسمع اراء الناس من خلال التصويت