المرحله التانيه علمى او ادبى .. مناقشات .. استفسارات .. رغبات .. كليات

[Analyzer.Mn3m55]

يا جماااااعه انا حبيت اعمل الموضوع ده بالذات لكل المرحله الثانيه سواء ادبى او علمى نتناقش فى الرغبات اللى هنكتبها او اللى كتبناها .. و معلومات عن الكليات .. و كل حاجة و اى حد عنده اى استفسااار يقوله و ان شاء الله نفيد بعض ..

ممكن ناخد الموضوع فى شكل اسئلة عشان يكون اظرف

1- التنسيق شغال من امتى ل امتى ؟؟؟

- من الثلاثاء ان شاء الله لحد يوووم السبت بحد أدنى 324 للعلمي و 266.5 للأدبي
و ده اللينك
http://tansik.egypt.gov.eg/application/defaultThanwy.aspx

.................................................. .................................................. ............

2- هل ينفع ادخل تجارة انجلش او حقوق انجلش او اى كلية انجلش ؟؟

الكليات الانجلش من حقوق و تجارة تقوم على اساس المجموع الاعتبارى .. طب اايه المجموع الاعتبارى ده يا عم ؟؟

مثلا واحد جايب 350 من 410 و مجموع اللغه الأولى الانجليزى يعنى 45 من 50
يبقى انت جايب 395(المجموع الكلى ( بدون مستوى ) + اللغة الأولى فى السنتين) + مجموع المستوى الرفيع الدرجات اللى فوق ال 5 مثلا المستوى 4 درجات
و اى مستوى غير الانجلش لا يحسب ضمن المجموع الاعتبارى .. يبقى كده كله 350 +45 +4 = 399
و هكذاا يا جماااااعه دلوقتى كل وااااااحد ممكن يشوف المجموع الاعتبارى ليه بشرط ! انك تكون فى الانجلش متقلش عن 80 % = 40 من 50

.................................................. .................................................. ...................

3- عاوز اعرف مجموعى يدخلنى ايه انا محتاااااااار ولا اكتب ايه ؟؟؟

والله كلنا محتارين يا جدعان :D :D ... تنسيق 2009 ممكن نشوف منه احتمال ندخل ايه و اعتقد التنسيق بتاعنا يزيد درجتين عنه او يقل او يفضل زى ما هو ده حسب الاقبال على الكليات و بتقبل اد ايه !! و ده لينك تنسيق 2009
http://tansik.egypt.gov.eg/application/LimitE2009.htm

بالنسبه لعلمى رياضه او علوم .. المتاح مرحله تانيه الحاسبات و العلوم و الفنون و تجارات انجلش و عربى و حقوق انجلش و عربى و تربيه .. و هندسه زراعيه و كلية الثروة السمكيه و اداب و دار علوم و تعليم مفتوح و معاهم خاصه وكليات خاصه ...
اعتقد ده الترتيب الامثل من رأييى و كل واحد يرتب بحسب هو بيحب ايه و نفسه ف ايه !! :::
1- الحاسبات
2- الفنون
3- اللى يحب علوم بالذات ممكن يكتبها عشان هى صعبه حبتين مش بسيطة و بردوا مش مستحيله بس عشان تدخلها لازم تكون بتحبها و هدفك .. و بعدين تجارات سواء عربى او انجلش و بعدين باقى الكليات رتبوها بحسب انتوا عاوزين ايه

بالنسبه لادبى :
تجارات .. تربيه .. حقوق .. اداب .. دار علوم .. تعليم مفتوح .. خاص .. و هكذا
الترتيب اختااااروا بقى حسب بتحبوا ايه يا جماااعه

.................................................. .................................................. ..............

4 - طب ايه اللى هيجيلى بالظبط من الرغبات اللى كتبتها .. ؟؟؟؟

اللى بييجى يا باشا بيكون حسب مجموعك بالظبط .. يعنى كاتب حقوق القاهره و بعدين عين شمس .. و مجموعك مجبش القاهره و جاب عين شمس تجييييييلك على طول حقوق عين شمس و الف مبروك :D

.................................................. .................................................. ...............

5 - مصاريف الكليييييييات الانجلش من حقوق و تجارة ؟؟؟

كله فى اللينك ده .. http://tansik.egypt.gov.eg/application/Dalel/5-4.htm

.................................................. .................................................. .............

6 - نيجى للجامعه المفتوحه ايه دى ايه نظاااامها و بكااااااام ؟؟؟

كله بردو فى اللينك ده http://tansik.egypt.gov.eg/application/Dalel/5-5.htm

.................................................. .................................................. .............

7 - كااان نفسى فى هندسه او فنون او حاسبات بس مجموعى مجبهاش وعاوز ادخللل خاص ؟؟؟

ده دليل قبول المعاهد الخااااصه فيه كل المعلومات و المصاريف .. اكتر واحد عاجبنى هندسه طيران خاص بالجيزة بجد ... ده اللينك http://tansik.egypt.gov.eg/application/Dalel/5-5.htm

.................................................. .................................................. .....

8 - ادخل تجارة ولا تربيه ولا اداب ولا حقوووووووق محتاااااااار ؟؟

- تجارة سواء عربى او انجلش حلوه انت لو عربى خد كورسات لغات و محاسبه و هتبقى تمام و يا سلام لو بتجيب امتيازات يبقى ممكن تكون معيد او ليك اولويه فى الشغل عن باقى زمايلك ..

- تربيه .. اعتقد انك بتكون مدرس فى القسم اللى بتدخله لو بتحب كده ادخلها وش :D

- اداب ليها اقسااااااام كتير جداا .. اعلام .. لغات كتير و كده و اقسام ادبيه بردو المهم اللى بيسال عن شروط الاقسام و درجات الانجليزى و الحوارات دى كلها يسالنى و هقوله عشان فيها كلااااااام كتير جداا

- حقوق كليه كويس لحد بيقدر يحفظ كويس و يفهم بردو اكيد عشان مفيش حفظ من غير فهم شغلها بيكون فى بنك فى الشئون القانونيه و ده جامد جداا .. او محامى .. او فى مجلس الدوله او فى النيابه بس لازملها دى تقدير عالى اوى ..

- دار العلوم .. اعتقد كده من الاخر مدرس عربى .. بتاخد فيها نحو و صرف و حااجات عربيه ادبيه كتييييييير

.................................................. .................................................. .............

9- طب يا عم الحااااج كلية علووووم اقسامها ايه لعلمى رياااضه قولى كده ؟؟
دى الاقسام كلها المتاحه لعلمى رياضه :

قسم علوم الحاسب
قسم البترول
قسم الجيولوجيا
قسم الجيوفزياء
قسم الجيوكيمياء
قسم الكيميا سبيشيل
قسم الرياضه
قسم فزياء سبيشيل
قسم فزيا الاتصالات
قسم فزياء الاليكترونيات
قسم الفزياء الحيوية والطبية
قسم الفزياء وعلوم الليزر
قسم علوم الفلك


.................................................. .......................................

اتمنى يا جمااااعه اكون افدتكم والله .. و حبيت اخده باسلوب بسيط عشان الناس متزهقش :D
و اى حد عنده اى استفساااااار يقوله عشان الكل يستفيد و بعون الله نفيد بعض
يااااااريت يا جمااااعه تدعولى فى الصلااااة و وقت الفطار انى دخل الكلية اللى نفسى فيها
وربنااا يكرم الجميييييع ورمضان كريم


مــــــــــحـــــــــمـــــــــــــد