ياريت اى حد فى كليه العلوم يساعدنى

[smsma alriaa]

انا طبعا كان نفسى فى صيدله بس الحمدلله جالى علوم طنطا

انا سمعت انى ممكن افتح معمل تحاليل بس لازم ادخل قسم كيميا حيوى او بيولوجى

بس بصراحه انا قريت كتير بقالى يومين عينى ضاعت من كتر ما قريت عن كليه العلوم وفى الاخر مش فاهمه حاجه

وبعدين لقيت حد بيقولى دول لغوا الدبلومه اللى بفتح بيها المعمل

يا وحوووووووووووووى ماهو مش هاينفع يلغوها خالص دا هيا دى اللى مصبرانى

ياريت بس حد يقولى لو هو فى علوم طنطا او كفر الشيخ انا كنت بفكر احول لها يقولى بس نظام الدراسه جوه ايه

انا سمعت كمان ان كل اسبوع امتحان وبعدين بقى النظام داه مش هاينفع لازم نشم نفسنا شويه فى الكليه دى

ياريت بس حد يطمنى ويقولى اىحاجه بس بالراحه علشان افهمها