ايه اخبار تعيين أوائل الكليات ياجماعة؟

[د.عبدالرحمن المنياوي]

السلام عليكم يا إخواني وأخواتي .. أنا ملاحظ إن المنتدى ولّع من امبارح ..بس أنا حابب أتكلم مع الناس وانا عارف إن كلكم هتسمعوا ..

منعا للبلبلة واللغط والمشاكل لازم الناس تفهم أولا إن فيه فرق بين تعيينات أوائل الأزهر وبين أوائل الجامعات العامة .. فاللي حابب يتكلم عن التعيينات عن الأزهر لازم يكتب أولا ويوضح إنه بيتكلم عن تعيينات الأوائل في الأزهر لعدم انتشار اللغط والبلبلة .. علشان أنا لاظت إن الناس خلطوا الامر ..

ثانيا وده الأهم موضوع المقال اللي نشر في المصري اليوم الخبر ده مغلوط معلش صحفي حمار حبتين .. أنا من هنا بأكد لكم التعيينات للعشرين الأوائل على كل كلية مش كل قسم .. ويضاف عليهم طلاب المنح الدراسية ودول عددهم 1200 واحد وكمان الحاصلين على درجة الماجستير والدكتوراة ودول حوالي 2500 تقريبا والعدد النهائي للدرجات الموفرة هو 43 ألف درجة وظيفية منها 2500 درجة بالجامعات والمراكز البحثية سيتم التعيين فيهم عن طريق الإعلان .. أما الباقي سيتم تعيينهم عن طريق التكليف .. بعد كتابة الرغبات ..

القرار قرار مجلس الوزراء .. والتنفيذ يقع على عاتق التنظيم والإدارة .. ودور اكاديمية البحث العلمي دور الحصر فقط .. محدش يصدق أي شئ تاني وبلاش نخطف القبة من الراس ونجري ولا نتبع كلام أي حد ممكن يقول كلام غير منطقي .. أصل المشكلة غن أغلبكوا مستعد نفسيا ومهيأ لقبول فكرة إننا مش هنتعين فكل ماييجي خبر بالتأجيل أو خبر مغلوط زي ده انتم بتصدقوا .. لأ ياجماعة اطمئنوا ومحدش يقلق ..

وطبعا أنا كلامي موجه عن تعيينات أوائل الجامعات الحكومية العامة مش للأزهر ..