ايه اخبار تعيين أوائل الكليات ياجماعة؟

[mayar1505]

المشاركة الأصلية كتبت بواسطة ريمون22

ماالتربية والتعليم اكيد هتكون لاوائل كليات التربية ولية مزات كالمدرس المثبت مش معقول خريج تربية هيشتغل في الضرائب. دا هيكون حسب قواعد التوزيع و انشاء اللة متظلمش حد وترضي الناس كلها.

يا جماعة ماانا سألتكم السؤال ده قبل كده بالنسبة للتربية و التعليم و كنت مستغربة لما بيقولوا ان خريج التربية هيتعين تربية و تعليم وكانهم كده بيعملوا فينا معروف كبير

برضه هكرر السؤال الي قلته قبل كده ايه الجديد الي هيضيفوه؟؟؟؟؟؟؟ انا لي زميلاتي اساسا مش من الأوائل و اخدوا زي عقد مميز و شغالين معايا في المدرسة و اسمائهم نزلت من ضمن الي هيتعينوا ضمن التربية و التعليم لأنهم امتحنوا الكادر و انا نفس النظام كل ده قبل ما يقولوا موضوع الجامعة و تعيين الأوائل. كلنا يعني علي وش التثبيت و زي بعضنا مافيش فرق بين الأوائل و بينهم في اي حاجة. و بعدين انا دلوقت مدرسة و برضه بعد تعييني من الأوائل هكون مدرسة ايه الجديد انا و الله مش بسخر من المهنة و لا حتي زميلاتي ده مسألة نصيب انا كل الي بقوله هما بيفكروا ازاي الي هيعينونا دول انا طبعا بكلم عن قطاع التربية و التعليم بس

يعني ازاي هيفرقونا احنا الي من الأوائل عن الي معانا من الي مش من الأوائل بس برضه اتعينوا مدرسين عشان امتحنوا كادر

اما بقي في حل تاني انه مافيش تعيين فعلي للتربية و التعليم زي ماأنا سامعة و ان احنا الأوائل بس حالنا هيكون مختلف و هنتعين زي المتثبتين و هما هيكون لهم نظام تاني ايه رأيكم؟

و بالنسبة للضرائب ليه لأ ما هي دايما البلد بتحط الراجل الي مش مناسب في اي مكان حتي لو مش بيناسب مؤهلاته انا مثلا ليا زميلات تربية و تعليم اتعينوا في الضرائب و المحكمة اعتقد ان ده عادي جدا ووارد انه يحصل

وبرضه انا كنت سامعة ان القرار ده بتعيين 43 الف خريج ماطلعش الا لما الحكومة اتأكدت من احتياجات الجامعات وانه كل جامعة المفروض توفر 20 درجة مالية ولو ان مش فاهمة المقصود 20 درجة لكل الدفعات و لا لدفعة واحدة الكلام مش واضح اتمني بس من ربنا انه كل شئ يظهر بأذنه لأن الواحد بقي مشغول قوي انا عن نفسي من القلق الي انا فيه بقول لو يقولوا مافيش تعيينات متهيألي ارتاح